قاسىم-جومارت توقايەۆ پەن سلوۆەنيا پرەزيدەنتى استانا حالىقارالىق قارجى ورتالىعىن ارالاپ كوردى
استانا. KAZINFORM - قاسىم-جومارت توقايەۆ پەن قازاقستانعا رەسمي ساپارمەن كەلگەن سلوۆەنيا پرەزيدەنتى ناتاشا پيرتس-مۋسار استانا حالىقارالىق قارجى ورتالىعىن ارالاپ كوردى، دەپ حابارلايدى اقوردانىڭ باسپا ءسوز قىزمەتى.
پرەزيدەنتتەرگە قارجى ورتالىعىنىڭ قۇرىلىمى مەن قىزمەتىنىڭ نەگىزگى باعىتتارى تۋرالى مالىمەت بەرىلدى.
- قارجى ورتالىعى ارقىلى تارتىلعان ينۆەستيتسيا - 14,4 ميلليارد دوللار:
- 7,1 ميللياردى - Astana International Exchange بيرجاسىنداعى پورتفەلدىك ينۆەستيتسيالار؛
- 7,3 ميللياردى - ا ح ق و قاتىسۋشىلارىنىڭ ينۆەستيتسيالارى.
- قارجى ورتالىعىندا الەمنىڭ 80 نەن استام ەلىنەن 3700 گە جۋىق كومپانيا تىركەلگەن.
مەملەكەتتەر باسشىلارىنا پرەتسەدەنتتىك قۇقىق نورمالارى مەن قاعيداتتارىنا نەگىزدەلگەن ورتالىق ازياداعى العاشقى سوت جۇيەسى - ا ح ق و سوتىنىڭ، سونداي- اق حالىقارالىق تورەلىك ورتالىعىنىڭ جۇمىسى جونىندە باياندالدى.
وسىعان دەىن سلوۆەنيا پرەزيدەنتى قازاقستانمەن ىنتىماقتاستىقتىڭ باسىم باعىتتارىن اتاعان بولاتىن.
