قاسىم-جومارت توقايەۆ موڭعولياعا مەملەكەتتىك ساپارمەن باردى
استانا. KAZINFORM - مەملەكەت باسشىسى قاسىم-جومارت توقايەۆ پرەزيدەنت ۋحنااگين حۋرەلسۋحتىڭ شاقىرۋىمەن موڭعولياعا مەملەكەتتىك ساپارمەن باردى.
بۇل تۋرالى اقوردانىڭ باسپا ءسوز قىزمەتى حابارلادى.
ۇلان-باتىر اۋەجايىندا ەلىمىزدىڭ دەلەگاتسياسىن موڭعوليانىڭ سىرتقى ىستەر ءمينيسترى باتمۋنحيين باتتسەتسەگ قارسى الدى.
ساپار اياسىندا جوعارى دەڭگەيدەگى كەلىسسوزدەر، سونداي-اق ءبىرقاتار ماڭىزدى قۇجاتقا قول قويۋ جوسپارلانعان.
وسىعان دەيىن 28-29-قازان كۇندەرى پرەزيدەنت قاسىم-جومارت توقايەۆ موڭعولياعا مەملەكەتتىك ساپارمەن باراتىنىن حابارلادىق.
مەملەكەت باسشىسى پرەزيدەنت ۋحنااگين حۋرەلسۋحپەن كەلىسسوز جۇرگىزەدى. سونداي-اق موڭعوليانىڭ ۇلى مەملەكەتتىك حۋرالىنىڭ ءتوراعاسى داشزەگۆين امارباياسگالانمەن جانە پرەمەر-مينيستر لۋۆساننامسراين ويۋۋن-ەردەنەمەن كەزدەسەدى. مىڭداعان جىلدارعا سوزىلعان تاريحي بايلانىسى بار ەكى حالىقتىڭ قازىر ءتۇرلى سالاداعى قارىم-قاتىناسى جاقسى دەڭگەيدە. ەكى ەل باسشىسىنىڭ كەزەكتى كەزدەسۋىندە ساياسي جانە ەكونوميكالىق بايلانىستاردى نىعايتۋ جايى تالقىلانىپ، ءبىرقاتار كەلىسسوز ءوتۋى مۇمكىن ەكەنى حابارلاندى.
