قاسىم-جومارت توقايەۆ ۋكرايناداعى جاعدايعا قاتىستى پىكىر ءبىلدىردى

مەملەكەت باسشىسى قاسىم-جومارت توقايەۆ ۋكرايناداعى جاعدايعا قاتىستى قازاقستاننىڭ ۇستانىمى جونىندە ايتىپ بەردى، دەپ حابارلايدى قازاقپارات ءتىلشىسى.

Фото: ҚазАқпарат
Фото: из открытых источников

قاسىم-جومارت توقايەۆ گەرمانيا فەدەراتيۆتىك رەسپۋبليكاسىنا رەسمي ساپارمەن باردى جانە فەدەرالدىق كانتسلەر ولاف شولتسپەن كەلىسسوزدەردەن كەيىن تىلشىلەرمەن باسپا ءسوز ءماسليحاتىن وتكىزدى.

ءوز سوزىندە پرەزيدەنت قازاقستان ب ۇ ۇ جارعىسى نەگىزىندە سوعىس قيمىلدارىن دەرەۋ توقتاتۋدى جانە بەيبىت كەلىسسوزدەردى جاقتايتىنىن اتاپ ءوتتى.

«بۇگىن قۇرمەتتى كانتسلەر مىرزاعا جاعدايدىڭ شىن مانىندە وتە كۇردەلى ەكەنىن ايتتىم، رەسەي جاعى دا، ۋكراينا تاراپى دا كەلىسسوزدەرگە دايىن ەكەنىن جەتكىزدى. ءبىراق كەلىسسوز الاڭى ءالى انىقتالمادى. وسى جونىندە دە كەلىسسوزدەر ەنگىزۋگە بولادى»، - دەدى قاسىم-جومارت توقايەۆ.

بۇعان دەيىن مەملەكەت باسشىسى رەسەي قازاقستانعا اۋماقتىق تۇرعىدا تالاپ قويادى دەگەن ەش الاڭداۋشىلىق جوعىن ايتقان ەدى.

سوڭعى جاڭالىقتار