16:30, 16 - شىلدە 2025 | GMT +5
قاسىم-جومارت توقايەۆ حالىقارالىق وليمپيادا جەڭىمپازدارىن قۇتتىقتادى
استانا. KAZINFORM - مەملەكەت باسشىسى بارسەلونا قالاسىندا وتكەن حالىقارالىق STEM وليمپياداسىندا، سونداي-اق بىرىككەن اراب امىرلىكتەرىندە ۇيىمداستىرىلعان حيميا پانىنەن حالىقارالىق وليمپيادادا جەڭىسكە جەتكەن قازاقستاندىق وقۋشىلارعا قۇتتىقتاۋ جەدەلحاتىن جولدادى.
قاسىمجومارت توقايەۆ مۇنى ەلىمىزدىڭ ابىروي-بەدەلىن ارتتىرا تۇسەتىن تاريحي جەتىستىك رەتىندە باعالادى.
- بۇل - قازاقستاندا ءبىلىم بەرۋ سالاسى قارقىندى دامىپ كەلە جاتقانىنىڭ ايقىن دالەلى. مەملەكەت جاستاردىڭ ساپالى ءبىلىم، تاعىلىمدى تاربيە الۋىنا ءاردايىم باسا ءمان بەرەدى. ەلىمىز سىزدەردى ماقتان تۇتادى. جارقىن جەڭىستەرىڭىز كوپ بولسىن! - دەپ جازدى پرەزيدەنت.
ايتا كەتەيىك، بۇعان دەيىن قازاقستاندىق وقۋشىلار حالىقارالىق وليمپيادادا ءتورت مەدال يەلەنگەنىن جازعانبىز.
