قاسىم-جومارت توقايەۆ شەتەلدىك ينۆەستورلارمەن كەزدەستى
استانا. KAZINFORM - شەتەلدىك ينۆەستورلار كەڭەسىنىڭ وتىرىسى اياسىندا مەملەكەت باسشىسى ءبىرقاتار حالىقارالىق كومپانيانىڭ وكىلدەرىمەن كەزدەستى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى Wabtec پرەزيدەنتى جانە باس اتقارۋشى ديرەكتورى رافاەل سانتانامەن اڭگىمەلەسۋ بارىسىندا كومپانيانىڭ ۇزاق جىلدان بەرى قازاقستاننىڭ تەمىرجول سالاسىنداعى سەنىمى سەرىكتەسىنە اينالعانىن، ەلىمىزگە 230 ميلليون ددوللاردان اسا ينۆەستيتسيا قۇيعانىن اتاپ ءوتتى.
امەريكالىق Wabtec كورپوراتسياسى كولىك تەحنولوگياسى بويىنشا كوشباسشى كومپانيالاردىڭ ءبىرى رەتىندە تانىلعان.
قاسىم-جومارت توقايەۆ ەلىمىز لوكوموتيۆتىڭ جاڭا تۇرلەرىن شىعارۋ، سەرۆيستىك ورتالىقتاردى كەڭەيتۋ، بىلىكتىلىك ورتالىقتارىن قۇرۋ جانە ءوندىرىس لوكاليزاتسياسىن ارتتىرۋ باعىتتارى بويىنشا كومپانيامەن ستراتەگيالىق ىنتىماقتاستىقتى ودان ءارى جالعاستىرۋعا نيەتتى ەكەنىن جەتكىزدى.
وسىعان دەيىن مەملەكەت باسشىسىنىڭ شەتەلدىك ينۆەستورلار كەڭەسىنىڭ 37- پلەنارلىق وتىرىسىن وتكىزگەنى تۋرالى جازدىق.
