قاسىم-جومارت توقايەۆ Chevron كورپوراتسياسىنىڭ باسشىسىمەن كەزدەستى
نيۋ- يورك. KAZINFORM - قازاقستان پرەزيدەنتىنىڭ امەريكا قۇراما شتاتتارىنىڭ ىسكەر توپتارى وكىلدەرىمەن كەزدەسۋى Chevron كورپوراتسياسى ديرەكتورلار كەڭەسىنىڭ ءتوراعاسى جانە باس اتقارۋشى ديرەكتورى مايكل ۋيرتتى قابىلداۋمەن جالعاستى. بۇل تۋرالى اقوردا ءمالىم ەتتى.
مەملەكەت باسشىسى كورپوراتسيا ەلىمىزدىڭ ەكونوميكالىق دامۋىنا زور ۇلەس قوسقانىن ايتتى. تاۋەلسىزدىك جىلدارى Chevron تەڭىز، قاراشىعاناق سياقتى ءىرى كەن ورىندارىن يگەرۋگە اتسالىسىپ، قازاقستانعا 55 ميلليارد دوللارعا جۋىق ينۆەستيتسيا قۇيدى. قازىر الەمدەگى ەڭ ءىرى ەنەرگەتيكالىق كومپانيا وندىرەتىن جالپى ءونىمىنىڭ 25 پايىزى قازاقستانعا تيەسىلى.
كەزدەسۋدە كەلەشەكتە تەڭىز كەنىشىنىڭ اياسىن كەڭەيتۋ جوباسىن ىسكە اسىرۋ ماسەلەلەرىنە، قاراشىعاناقتا گاز ءوندىرۋ مەن قايتا وڭدەۋ پەرسپەكتيۆاسىنا، سونداي-اق الەمدىك نارىققا كومىرسۋتەگىن تاسىمالداۋ ءىسىن دامىتۋعا، سونىڭ ىشىندە ورتا ءدالىز ارقىلى جەتكىزۋگە باسا ءمان بەرىلدى.
بۇعان دەيىن حابارلانعانداي، مەملەكەت باسشىسى Cerberus Capital Management كومپانياسىنىڭ باس اتقارۋشى ديرەكتورىن قابىلدادى.
