قاسىم-جومارت توقايەۆ ءبىرقاتار ەلدىڭ باسشىلارىمەن اڭگىمەلەستى
استانا. قازاقپارات - COP29 دۇنيەجۇزىلىك كليمات سامميتىنىڭ اياسىندا مەملەكەت باسشىسى قاسىم-جومارت توقايەۆ ۇلى بريتانيا پرەمەر-ءمينيسترى كير ستارمەرمەن، ب ا ءا پرەزيدەنتى شەيح مۇحاممەد بەن زايد ءال ناحايانمەن، مولدوۆا پرەزيدەنتى مايا ساندۋمەن، موڭعوليا پرەزيدەنتى ۋحنااگين حۋرەلسۋحپەن، وزبەكستان پرەزيدەنتى شاۆكات ميرزيەۆپەن، تاجىكستان پرەزيدەنتى ەمومالي راحمونمەن جانە باسقا دا جوعارى لاۋازىمدى تۇلعالارمەن كەزدەسىپ، از-كەم اڭگىمەلەستى، دەپ حابارلايدى اقوردا.
كەزدەسۋلەر بارىسىندا ءارتۇرلى سالاداعى ەكىجاقتى ىنتىماقتاستىقتى دامىتۋ پەرسپەكتيۆاسى، جاھاندىق كليماتتىڭ كۇن ءتارتىبى، سونداي-اق حالىقارالىق قۇرىلىمدار اياسىنداعى ىقپالداستىق ماسەلەلەرى تالقىلاندى.
ەسكە سالايىق، بۇگىن پرەزيدەنت قاسىم-جومارت توقايەۆ دۇنيەجۇزىلىك كليمات سامميتىنە قاتىسۋ ءۇشىن باكۋدەگى وليمپيادالىق ستاديونعا باردى. سوسىن مەملەكەت باسشىسى باكۋدەگى دۇنيەجۇزىلىك كليمات سامميتىندە ءسوز سويلەدى.
اۆتور
ساياگۇل جارىلقاسىن
