19:42, 10 - جەلتوقسان 2024 | GMT +5
قاسىم-جومارت توقايەۆ بالالار فۋتبول اكادەمياسىن ارالاپ كوردى
اقتوبە. KAZINFORM - پرەزيدەنت اقتوبە قالاسىنداعى «حيميك» ستاديونىنىڭ بازاسىندا اشىلعان بالالار فۋتبول اكادەمياسىنا باردى، دەپ حابارلايدى اقوردانىڭ باسپا ءسوز قىزمەتى.
زاماناۋي ۇلگىدە جابدىقتالعان نىساندا جىل بويى سپورتپەن اينالىسۋعا جاعداي جاسالعان. اكادەميادا قازىر 780 بالا ۇزدىك حالىقارالىق تاجىريبە بويىنشا جاتتىعادى. وندا سپورت زالدارى، اكىمشىلىك، وڭالتۋ، ەم-دوم جانە باسقا دا قىزمەت كورسەتۋ كابينەتتەرى ورنالاسقان.
مەملەكەت باسشىسى اكادەميانى ارالاپ كورىپ، جاسوسپىرىمدەرمەن جانە جاتتىقتىرۋشىلارمەن اڭگىمەلەستى. قاسىم-جومارت توقايەۆ بالالاردى زياندى ارەكەتتەردەن ساقتاۋ ءۇشىن ولاردى سپورتقا كوپتەپ تارتۋدىڭ ماڭىزى زور ەكەنىن ايتتى.
پرەزيدەنت وسىعان دەيىن اقتوبە وبلىستىق پەريناتالدىق ورتالىعىنىڭ قىزمەتىمەن تانىستى.
