قاسىم-جومارت توقايەۆ ب ۇ ۇ باس حاتشىسىمەن كەزدەسۋ وتكىزدى
نيۋ-يورك. KAZINFORM - قازاقستان رەسپۋبليكاسىنىڭ پرەزيدەنتى مەن باس حاتشى انتونيۋ گۋتەرريش ب ۇ ۇ باس اسسامبلەياسى سەسسياسىنىڭ كۇن ءتارتىبىن تالقىلادى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ قازاقستان ۇيىمعا الداعى ۋاقىتتا دا قولداۋ كورسەتىپ، ونىڭ بەيبىتشىلىك پەن تۇراقتىلىقتى نىعايتۋ، ورنىقتى دامۋ ىسىندە جەتەكشى ءرول اتقارا بەرۋىنە بەلسەندى تۇردە اتسالىساتىنىن ايتتى.
كەزدەسۋ اياسىندا مەملەكەت باسشىسىنىڭ جانە باس حاتشىنىڭ قاتىسۋىمەن الماتىداعى ورتالىق ازيا مەن اۋعانستان ءۇشىن ب ۇ ۇ- نىڭ ورنىقتى دامۋ ماقساتتارى جونىندەگى وڭىرلىك ورتالىعىنىڭ قىزمەتى تۋرالى مەموراندۋمعا قول قويىلدى.
سونداي-اق مەملەكەت باسشىسى ExxonMobil كورپوراتسياسىنىڭ باسقارما ءتوراعاسى جانە باس اتقارۋشى ديرەكتورى داررەن ۆۋدسپەن تەڭىز بەن قاشاعاننىڭ بولاشاعىن تالقىلادى.
