08:38, 25 - جەلتوقسان 2023 | GMT +5
قاسىم-جومارت توقايەۆ ازەربايجان پرەزيدەنتى يلحام اليەۆپەن تەلەفون ارقىلى سويلەستى
پرەزيدەنت ازەربايجان باسشىسى يلحام اليەۆپەن تەلەفون ارقىلى سويلەستى، دەپ حابارلايدى Kazinform اقورداعا سىلتەمە جاساپ.
قاسىم-جومارت توقايەۆ يلحام اليەۆتى تۋعان كۇنىمەن قۇتتىقتاپ، وعان زور دەنساۋلىق جانە اسا جاۋاپتى قىزمەتىنە تابىس تىلەدى.
قازاقستان مەن ازەربايجان پرەزيدەنتتەرى ەكى ەل حالىقتارى اراسىنداعى دوستىق قاتىناستار مەن ءداستۇرلى باۋىرلاستىق بايلانىستارعا كوڭىلدەرى تولاتىنىن ايتتى.
سونداي- اق اڭگىمەلەسۋ بارىسىندا ازەربايجان پرەزيدەنتىنىڭ قازاقستانعا ساپارى كەزىندە جانە بيىل قاراشا ايىندا باكۋدە وتكەن سپەكا سامميتى اياسىندا قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرىنە نازار اۋدارىلدى.
اۆتور
ابىلايحان جۇماشيەۆ
