قاسىم-جومارت توقايەۆ فيزۋلي قالاسىنا باردى

Президент
فوتو: اقوردا

باكۋ. KAZINFORM - مەملەكەت باسشىسىن فيزۋلي قالاسىنىڭ اۋەجايىندا ازەربايجان پرەزيدەنتى يلحام اليەۆ قارسى الدى. بۇل تۋرالى اقوردانىڭ باسپا ءسوز قىزمەتى مالىمدەدى.

مۇندا پرەزيدەنتتەر قۇرمانعازى اتىنداعى بالالار شىعارماشىلىعى ورتالىعىنىڭ اشىلۋ سالتاناتىنا قاتىسادى. سونداي-اق جەرگىلىكتى حالىقپەن كەزدەسىپ، الداعى ۋاقىتتا سالىناتىن فيزۋلي قالالىق ورتالىق اۋرۋحاناسىنىڭ جوباسىمەن تانىسادى.

بۇدان كەيىن ەكى ەل باسشىلارى شۋشا قالاسىنداعى الەۋمەتتىك- مادەني جانە باسقا دا نىسانداردى ارالاپ كورەدى.

ايتا كەتەيىك، بۇعان دەيىن قازاقستان پرەزيدەنتى ازەربايجان رەسپۋبليكاسىنا مەملەكەتتىك ساپارمەن بارعانىن جازعان بولاتىنبىز. كەشە قاسىم-جومارت توقايەۆتى ازەربايجان پرەزيدەنتى «زاگۋلبادا» قارسى الدى.

ەكى ەلدىڭ ءوزارا قارىم-قاتىناسى جانە قاسىم-جومارت توقايەۆتىڭ ازەربايجانعا ساپارىنان نە كۇتۋگە بولاتىنىن ءتىلشىنىڭ شولۋىنان وقي الاسىز.

سوڭعى جاڭالىقتار