قاسكەلەڭدە سوتتان قاشقان كۇدىكتى ءالى ۇستالعان جوق

استانا. KAZINFORM - ىشكى ىستەر ءمينيسترىنىڭ ورىنباسارى يگور لەپەحا زورلاۋ دەرەگى بويىنشا ۇستالعان كۇدىكتىنىڭ قاسكەلەڭ قالاسىنداعى اۋداندىق سوت زالىنان قاشىپ كەتۋى وقيعاسىنا قاتىستى تۇسىنىك بەردى.

- كۇدىكتىنىڭ قاشىپ كەتۋى بويىنشا ءىس قوزعالدى، ءالى ىزدەستىرىپ جاتىرمىز، - دەدى ي. لەپەحا پارلامەنت ماجىلىسىندە تىلشىلەردىڭ سۇراعىنا جاۋاپ بەرە وتىرىپ.

ونىڭ ايتۋىنشا، جۇمىسىنا سەلقوس قاراعان ىشكى ىستەر ورگاندارى قىزمەتكەرلەرىنە قاتىستى ءىس قوزعالدى.

بۇدان بۇرىن حاباردانعانداي، ادام زورلادى دەگەن كۇدىكپەن ۇستالعان ايىپتالۋشى قاسكەلەڭ قالاسىنداعى اۋداندىق سوت زالىنان قاشىپ كەتتى.

جەلىدە الماتى وبلىسىنداعى اۆتوجولداردا پوليتسيا قىزمەتكەرلەرىنىڭ تەكسەرىس جۇرگىزىپ جاتقان بەينەجازبالارى تارادى.

قاماۋعا الىنعان كۇدىكتىنىڭ قاشىپ كەتۋ فاكتىسى بويىنشا قىلمىستىق ءىس قوزعالىپ، قاشقىندى ۇستاۋ بويىنشا ءىس-شارالار كەشەنى قابىلداندى. سونىمەن قاتار بولعان وقيعانىڭ بارلىق ءمان-جايىن انىقتاۋ ماقساتىندا قىزمەتتىك تەكسەرۋ تاعايىندالعانى حابارلاندى.

اۆتور

رۋسلان عابباسوۆ