قارىزدان قۇتىلۋعا كومەكتەسەتىن كەڭەستەر

ەۋروپادا حالىقتىڭ قارىزى رەكوردتىق دەڭگەيگە جەتىپ وتىر. 2025 -جىلدىڭ باسىنداعى مالىمەتكە سايكەس، ەۋرووداق ازاماتتارىنىڭ جالپى قارىزى 6,96 تريلليون دوللارعا جەتكەن. ونىڭ ىشىندە 5,23 تريلليون ەۋرو يپوتەكا بولسا، تاعى 1 تريلليون ەۋرو تۇتىنۋشىلىق نەسيەلەردەن قۇرالعان. ساراپشى كيەۆين ماۋنتفورد قارىزدى باسقارۋ جانە قارجى تۇراقتىلىعىن ساقتاۋ بويىنشا كەڭەسىن ءبولىستى. ول Euronews ارناسىنا بەرگەن سۇحباتىندا قازىرگى زامانعى قارجىلىق ادەتتەر تۋرالى ايتتى.

قارىز - تەك تابىسى تومەن ادامداردىڭ ماسەلەسى ەمەس. بۇگىندە ەۋروپا ەلدەرىندەگى ورتاشا قارىز دەڭگەيى تابىسقا شاققاندا %97 دى قۇرايدى. الايدا كەيبىر «تۇراقتى» سانالاتىن ەلدەردە، مىسالى، سكانديناۆيا مەن نيدەرلاندىدا بۇل كورسەتكىش %200 دان اسادى.

«2007 -جىلعى داعدارىس كەزىندە ادامدار كرەديتكە ليۋكس زاتتار - اۆتوكولىك، ساعات ساتىپ الدى. ءبىراق كەنەتتەن تولەۋگە شاماسى جەتپەي قالدى»، - دەيدى كيەۆين.

قارىز قايدان پايدا بولادى؟

 . كرەديت كارتالارى مەن ونلاين ساتىپ الۋلار
 . قاشىقتان تولەۋدىڭ كەڭ تارالۋى
 . الەۋمەتتىك جەلىلەر مەن جارناما ىقپالى
 . «كەيىن تولەيسىڭ» جۇيەسىنىڭ تارتىمدىلىعى
«مەن تانىستارىمنىڭ ءتۇن ىشىندە ۇيىقتاي الماي، ينتەرنەتتەن زات الا باستاعانىن بىلەمىن. بۇل - قاۋىپتى»، - دەيدى ساراپشى.

2023 -جىلى نيدەرلاندى، دانيا، ۇلى بريتانيا، فينليانديا جانە شۆەتسيا - كرەديتتىك كارتالار بويىنشا ەڭ كوپ قارىز جينالعان ەلدەر بولدى.

قارىزدان قۇتىلۋعا كومەكتەسەتىن كەڭەستەر

1. قارىزدى تولەۋدەن قاشپاڭىز. ۋاقىت وتە كەلە جاعداي ۋشىعادى.

2. بانكتەن كەڭەس الىڭىز. كەي جاعدايدا تولەم مەرزىمىن ۇزارتىپ، اي سايىنعى تولەمدى ازايتۋعا بولادى.

3. زاڭسىز كرەديت بەرۋشىلەردەن ساق بولىڭىز. جوعارى پايىزدار مەن جاسىرىن شارتتار قارىزدى ەسەلەيدى.

4. جاقىندارىڭىزبەن اشىق سويلەسىڭىز. جارتى جىلدا ءبىر رەت وتباسى نەمەسە دوستارمەن شىعىنداردى بىرگە تالقىلاڭىز.

«قارجىلىق ساۋاتسىزدىق - ادامداردى ءوز اقشاسىنان الىستاتادى. بۇل بانكتەرگە ءتيىمدى، ال حالىق ۇتىلادى»، - دەيدى ول.

قارىزدانۋ - قالىپتى جاعداي. ءبىراق ول ءسىزدى باسقارماي، ءسىز قارىزدى باسقارۋىڭىز كەرەك. قارجى ساۋاتتىلىعىن ارتتىرۋ - تۇراقتى بولاشاقتىڭ العاشقى قادامى.