قارىز سۇراۋشىلار كوبەيەدى: لوتەرەيادان اقشا ۇتقاندار اتى-ءجونىن نەگە جاريالامايدى

استانا. KAZINFORM - تۋريزم جانە سپورت ۆيتسە-ءمينيسترى ميراس تولەبايەۆ قازاقستاندىقتاردىڭ لوتەرەيادان اقشا ۇتقانى جايلى مالىمەتتى جاريالاۋدان نەگە باس تارتاتىنىن ايتتى.

«وتكەن جىلدىڭ قورىتىندىسى بويىنشا بۇكىل لوتەرەيالىق ونىمدەردىڭ ۇتىس قورى، ياعني، اۋدارىلعان ۇتىس كولەمى 305 ميلليارد تەڭگە بولدى. ال ۇتىس وپەراتورلارىنىڭ جالپى اقشا اينالىمى 356 ميلليارد تەڭگەگە جەتكەن. ءبىراق ءبىز ازاماتتاردىڭ ۇتىس ۇتقانى تۋرالى مالىمەتتەردى ءجيى ەستي بەرمەيمىز. ويتكەنى لوتەرەيا جەڭىمپازدارىنىڭ كوبى، 90 پايىزى دەپ ايتۋعا بولادى، «ينكوگنيتو» مارتەبەسىندە قالعاندى ءجون كورىپ، سۇحبات بەرمەيدى. فوتوسەسسيادان باس تارتىپ، جاريالىقتان قاشادى. ۇتىس سوماسى مەن جەكە دەرەگىن جاريالاعان جاعدايدا سوتقا بەرەتىنىن ايتىپ قورقىتادى»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.

سپيكەردىڭ ايتۋىنشا، ۇتىسىن الۋعا ماسكا كيىپ، كوزاينەك تاعىپ كەلەتىن جايتتار بولعان.

«ونىڭ سەبەبى تۇسىنىكتى - كەيبىرەۋى قاۋىپسىزدىگىنە الاڭدايدى، قارىز سۇراۋشىلار كوبەيەدى، جەڭىستى تويلاۋعا شاقىراتىندار بولادى»، - دەدى ميراس تولەبايەۆ.

اۆتور

ەسىمجان ناقتىباي