قارىنداسىنىڭ تىنىشتىعىن بۇزعان اتىراۋلىق ازامات 10 تاۋلىككە قامالدى
اتىراۋ. KAZINFORM - اتىراۋدا ەر ادام قارىنداسىنىڭ ۇيىنە كەلىپ، تىنىشتىعىن بۇزعانى ءۇشىن 10 تاۋلىككە قاماۋعا الىندى.
اتىراۋ قالالىق اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنىڭ مالىمەتىنشە، ەر ادام قورعاۋ نۇسقاماسىن بۇزعانى ءۇشىن كىنالى دەپ تانىلعان.
«ەر ادامعا قاتىستى ءىس ق ر اكىمشىلىك قۇقىق بۇزۋشىلىقتار تۋرالى كودەكسىنىڭ 461-بابىنىڭ 1-بولىگىمەن قارالدى. 2024 -جىلدىڭ قىركۇيەك ايىندا ا. ە.-نىڭ قارىنداسىنىڭ پاتەرىنە كەلىپ، ونى مازالاپ ءارى تىنىشتىعىن بۇزعانى انىقتالدى. وسىلايشا، ىشكى ىستەر ورگانى شىعارعان قورعاۋ نۇسقاماسىن بۇزعان. ونىڭ اكىمشىلىك قۇقىق بۇزۋشىلىق ارەكەتى اكىمشىلىك قۇقىق بۇزۋشىلىق تۋرالى حاتتامامەن، قورعاۋ نۇسقاماسىمەن جانە ساۋالناما حاتتاماسىمەن دالەلدەندى. سوت قاۋلىسىمەن ا. ە. اتالعان باپ بويىنشا كىنالى دەپ تانىلدى»، - دەپ حابارلادى اتالعان سوتتان.
قورعاۋ نۇسقاماسىن بۇزعان ەر ادام 10 تاۋلىك مەرزىمگە اكىمشىلىك قاماۋعا الىندى.
سوت قاۋلىسى زاڭدى كۇشىنە ەنگەن جوق.
اۆتور
جولداسبەك شوپەعۇل
