قارين استانادا ۇلتتىق قۇرىلتاي مۇشەلەرىمەن بىرگە اعاش وتىرعىزدى
استانا. KAZINFORM - بۇگىن ەلوردادا «تازا قازاقستان» جالپى ۇلتتىق ناۋقانى اياسىندا سەنبىلىك ۇيىمداستىرىلدى، دەپ حابارلايدى اقوردانىڭ باسپا ءسوز قىزمەتى.
مەملەكەتتىك كەڭەسشى ەرلان قارين ۇلتتىق قۇرىلتايدىڭ جانە جاستار ساياساتى جونىندەگى كەڭەستىڭ ءبىر توپ مۇشەلەرىمەن بىرگە اعاش وتىرعىزدى.
«تازا قازاقستان» اكسياسى ءبىر جىل بۇرىن مەملەكەت باسشىسى قاسىم-جومارت توقايەۆتىڭ باستاماسىمەن قولعا الىندى. جۇرتشىلىق بۇل باستاماعا بىردەن قولداۋ كورسەتتى.
مەملەكەتتىك كەڭەسشى «تازا قازاقستاننىڭ» ەكولوگيالىق اكتسيا عانا ەمەس ەكەنىن، ونىڭ بۇگىندە ازاماتتارىمىزدىڭ مىنەز- قۇلقى مەن وي- ورىسىنە ىقپال ەتەتىن يدەولوگياعا اينالىپ كەلە جاتقانىن اتاپ ءوتتى. بۇل يدەولوگيانىڭ تۇپكى ءمانى - تازالىق پەن ءتارتىپتى ساقتاۋ، تابيعاتتى ايالاۋ، مادەنيەتسىزدىككە، ۆانداليزمگە جانە قوعامدىق ءتارتىپتى بۇزۋعا قارسى كۇرەس. وسىلايشا، «تازا قازاقستاندى» قالىپتاسىپ كەلە جاتقان جاڭا قوعامدىق ەتيكانىڭ ءبىر جارقىن كورىنىسى دەۋگە بولادى.
