قارقارالىنىڭ ءۇش تۇرعىنىنا قاسقىر شاپتى

قارقارالىدا تاڭنان بەرى جابايى قاسقىر ءۇش ادامعا شاۋىپ، جاراقاتتادى. جىرتقىش جانۋار تۇرعىن ۇيلەردىڭ اۋلالارىنا كىرىپ كەتكەن، دەپ حابارلايدى قازاقپارات.

جىرتقىش ادامدارعا جۇمىسقا بارا جاتقاندا تاڭعى التىدا شابۋىل جاساعان. قاسقىردى قارقارالى كوشەلەرىندە جەرگىلىكتى تۇرعىندار سۋرەتكە تۇسىرگەن. ولاردىڭ ايتۋىنشا، قالانىڭ شەتىندەگى كوشەلەرگە جابايى جانۋار ورماننان كەلگەن.

جەرگىلىكتى اۋرۋحاناعا ءۇش ادام جۇگىندى.

«زارداپ شەككەن 3 ادام اۋداندىق اۋرۋحاناعا جۇگىندى. بارلىعى امبۋلاتوريالىق ەمدەلۋگە جىبەرىلدى، جارالاردى ەمدەپ، وڭدەگەن سوڭ، ەكپە سالىندى»، - دەپ حابارلادى قاراعاندى وبلىسىنىڭ دەنساۋلىق ساقتاۋ باسقارماسى.

قازىر ءتيىستى ورگاندار جانۋاردى اۋلاۋمەن اينالىسىپ جاتىر.

«پوليتسەيلەر ۆەتەريناريا ورگاندارىمەن بىرلەسىپ جابايى جانۋاردى جويۋ بويىنشا شارالار قابىلداۋدا»، - دەپ حابارلادى قاراعاندى وبلىسىنىڭ پ د.

اۆتور

ايزادا اگيلبايەۆا