قارقارالى مەن بالقاشقا اپاراتىن جولدار جاڭارىپ جاتىر - قازاۆتوجول
استانا. KAZINFORM - قاراعاندى وبلىسىندا رەسپۋبليكالىق ماڭىزى بار اۆتوجولدار جوندەلىپ، جول بويىنداعى سەرۆيستىك نىساندار جاڭارتىلۋدا. بۇل تۋرالى قازاۆتوجول حابارلادى.
وبلىس اۋماعىنداعى رەسپۋبليكالىق ماڭىزى بار اۆتوجولداردىڭ جالپى ۇزىندىعى - 1843,5 شاقىرىم. 2025-جىلى 10 ۋچاسكەدە ورتاشا جوندەۋ جۇمىستارى جۇرگىزىلۋدە، ولاردىڭ جالپى ۇزىندىعى - 291 شاقىرىم. بۇل جۇمىستار تۋريستەر ءجيى تاڭدايتىن قارقارالى، بالقاش كولى جانە باياناۋىل باعىتتارىن قامتيدى.
- قارقارالى كۋرورتتىق ايماعىنا دەيىن رەسپۋبليكالىق ماڭىزى بار KAZ15 «قاراعاندى - اياگوز - تارباعاتاي - بوعاز» اۆتوجولى وتەدى. قاراعاندى مەن قارقارالى اراسىنداعى اراقاشىقتىق - 200 شاقىرىم. قازىرگى تاڭدا وسى جولدىڭ 17- 102 شاقىرىم ارالىعىنداعى بولىگى جوندەلىپ جاتىر. جالپى ۇزىندىعى - 85 شاقىرىم. قالعان 115 شاقىرىم جول 2021-2024-جىلدار ارالىعىندا جاڭارتىلعان بولاتىن.
بۇل باعىتتا 10 جول بويى سەرۆيستىك نىسان (6 كافە، 4 جانارماي قۇيۋ ستانتسياسى)، 3 دەمالىس الاڭى، 3 سۋىق دارەتحانا جانە 1 سانيتارلىق- گيگيەنالىق توراپ جۇمىس ىستەيدى. بيىل قوسىمشا ءبىر سانيتارلىق-گيگيەنالىق توراپ پەن ساۋدا الاڭى ورناتىلادى. ەلەكترمەن جابدىقتاۋ، جارىقتاندىرۋ جانە سەپتيك جۇيەسى دە قاراستىرىلعان. بارلىق نىساندار ۇلتتىق ستاندارتتارعا ساي جانە جىلى دارەتحانالارمەن جابدىقتالعان، - دەپ جازدى جاۋاپتى مەكەمەدەن.
بالقاش كولى مەن بالقاش جانە پريوزەرسك قالالارىنا جەتۋ ءۇشىن KAZ01 «استانا - قاراعاندى (اينالما جول) - الماتى» اۆتوجولى پايدالانىلادى. قاراعاندى - بالقاش - سارىشاعان باعىتى بويىنشا بۇگىندە 68 جول بويى سەرۆيستىك نىسان (28 كافە، 22 جقس، 16 قوناق ءۇي مەن كەمپينگ، 2 تەحنيكالىق قىزمەت كورسەتۋ ستانتسياسى)، 3 دەمالىس الاڭى جانە 4 سانيتارلىق-گيگيەنالىق توراپ جۇمىس ىستەپ تۇر.
2025-جىلى بۇل باعىتتا قوسىمشا 2 سەرۆيستىك نىسان، 21 جاڭا دەمالىس الاڭى جانە 6 سانيتارلىق-گيگيەنالىق توراپ سالۋ كوزدەلگەن. بۇل نىساندار قاراعاندى - بالقاش - بۋرىلبايتال اۆتوجولىن قايتا جاڭارتۋ جوباسى اياسىندا ىسكە اسىرىلادى. جوبا اۆتوكولىكپەن ساياحاتتايتىن ازاماتتاردىڭ قاۋىپسىزدىگى مەن جايلىلىعىن ارتتىرۋعا باعىتتالعان.
- پاۆلودار وبلىسىنداعى باياناۋىل كۋرورتتىق ايماعىنا جەتۋ ءۇشىن رەسپۋبليكالىق ماڭىزى بار KAZ20 «قالقامان - باياناۋىل - ۇمىتكەر - بوتاقارا» اۆتوجولى قولدانىلادى. بۇل جولدىڭ قاراعاندى وبلىسى اۋماعىنداعى 231-324 شاقىرىم ارالىعىندا 2022-2023-جىلدارى 58,4 شاقىرىم جولعا ورتاشا جوندەۋ جۇرگىزىلدى. قالعان 34,6 شاقىرىمعا جوبالىق-سمەتالىق قۇجاتتاما ازىرلەنىپ جاتىر.
اتالعان جول بويىندا 1 سەرۆيستىك نىسان، 2 دەمالىس الاڭى جانە 261-شاقىرىمدا سانيتارلىق- گيگيەنالىق تورابى بار ەتنوايالداما ورنالاسقان. بارلىق نىساندار جىلى دارەتحانالارمەن جابدىقتالعان جانە سانيتارلىق-تەحنيكالىق قاۋىپسىزدىك تالاپتارىنا ساي كەلەدى، - دەلىنگەن اقپاراتتا.
دەرەككە قاراعاندا، تۋريستىك نىساندارعا اپاراتىن جولداردىڭ قولجەتىمدىلىگىن ارتتىرۋ بويىنشا جۇمىستار قازاقستاننىڭ سەگىز وڭىرىندە جۇرگىزىلىپ جاتىر. 2025-جىلى رەسپۋبليكالىق ماڭىزى بار 544,7 شاقىرىم اۆتوجولدى جوندەۋ جوسپارلانعان. قاراعاندى وبلىسى جوبالاردىڭ اۋقىمى مەن كولەمى بويىنشا الدىڭعى قاتاردا تۇر.
جولداردى جوندەۋ جانە ينفراقۇرىلىمدى دامىتۋ - ءوڭىردىڭ تۋريستىك تارتىمدىلىعىن ارتتىرۋ ستراتەگياسىنىڭ ماڭىزدى بولىگى. ىڭعايلى جولدار، زاماناۋي دەمالىس ايماقتارى مەن ساپالى سەرۆيس تۇرعىندار مەن قوناقتارعا جايلى ءارى قاۋىپسىز ساياحاتتاۋعا مۇمكىندىك بەرەدى.
ايتا كەتەيىك، الماتىنىڭ باستى كوشەلەرىنىڭ بىرىندە جاڭا ۆەلوجول سالىنادى.
