13:30, 21 - اقپان 2024 | GMT +6
قارجىلىق مونيتورينگ اگەنتتىگى ءتوراعاسىنىڭ ورىنباسارى تاعايىندالدى
استانا. KAZINFORM - مەملەكەت باسشىسىنىڭ وكىمىمەن قايرات جاقيان ۇلى بيجانوۆ قازاقستان رەسپۋبليكاسىنىڭ قارجىلىق مونيتورينگ اگەنتتىگى ءتوراعاسىنىڭ ورىنباسارى لاۋازىمىنا تاعايىندالدى.
بۇل تۋرالى اقوردانىڭ باسپا ءسوز قىزمەتى حابارلادى.
قايرات جاقيان ۇلى قوستاناي وبلىسىنىڭ تۋماسى. قوستاناي مەملەكەتتىك ۋنيۆەرسيتەتىن قۇقىقتانۋ ماماندىعى بويىنشا بىتىرگەن. قۇقىق قورعاۋ ورگاندارىنداعى جالپى ەڭبەك ءوتىلى 21 جىلدان استام. قارجى پوليتسياسىندا، پروكۋراتۋرا ورگاندارىندا، ونىڭ ىشىندە 16 جىل قوستاناي، اقتوبە، جامبىل، الماتى وبلىستارىندا باسشىلىق لاۋازىمداردا قىزمەت اتقارعان. بۇعان دەيىن استانا قالاسى ەكونوميكالىق تەرگەۋ دەپارتامەنتىنىڭ باسشىسى بولدى.
