قارجى مينيسترلىگىنىڭ استانا مەن الماتىداعى باسقارما باسشىلارى پارامەن ۇستالدى - انتيكور
ستانا. KAZINFORM - ارنايى وپەراتسيا بارىسىندا الماتى جانە استانا قالاسىندا سىبايلاس جەمقورلىق قىلمىس جاساعانى ءۇشىن قارجى مينيسترلىگى باسقارمالارىنىڭ باسشىلارى اشكەرەلەندى.
بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيگايداروۆ ءمالىم ەتتى.
«مەملەكەت باسشىسىنىڭ تاپسىرماسى بويىنشا بيزنەستى مەملەكەتتىك ورگاندار تاراپىنان زاڭسىز ارالاسۋىنان قورعاۋ سىبايلاس جەمقورلىققا قارسى قىزمەتتىڭ تۇراقتى باقىلاۋىندا. سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى سالىق تەكسەرۋلەرىنە وڭ رۇقسات بەرگەنى ءۇشىن قارجى مينيسترلىگىنىڭ لاۋازىمدى تۇلعالارى كاسىپكەرلىك سۋبەكتىلەرىنەن اقشا قاراجاتىن زاڭسىز الۋ جونىندەگى قىلمىستىق ءىس قوزعالدى»، - دەدى دانيار بيگايداروۆ اگەنتتىكتە وتكەن باسپا ءسوز ءماسليحاتىندا.
رەسمي وكىلدىڭ ايتۋىنشا، ارنايى وپەراتسيا بارىسىندا الماتى جانە استانا قالاسىندا سىبايلاس جەمقورلىق قىلمىس جاساعانى ءۇشىن قارجى مينيسترلىگى باسقارمالارىنىڭ باسشىلارى اشكەرەلەندى.
«ولار كاسىپورىنعا 570 ميلليون تەڭگە كولەمىندە سالىقتى تولىق سوماعا ازايتۋعا جاتاتىن نەگىزسىز قوسىمشا ەسەپتەۋ تۋرالى اقپاراتقا قول جەتكىزە وتىرىپ، دەلدال ارقىلى وسى فيرمانىڭ وكىلىنە جۇگىنىپ، ودان اقشالاي سىياقى تالاپ ەتتى دەگەن كۇدىككە ىلىكتى. لاۋازىمدى تۇلعالار ماسەلەنى شەشۋ سىلتاۋىمەن ونىڭ 68 ميلليون تەڭگە سوماسىنداعى اقشالاي قاراجاتىن يەمدەندى. قارجى مينيسترلىگىنىڭ لاۋازىمدى تۇلعالارى مەن دەلدال قىلمىستىق جاۋاپكەرشىلىككە تارتىلدى. سوتتىڭ سانكسياسىنان كۇدىكتىلەر ەلەكتروندى بىلەزىك سالىنىپ، ءۇي قاماققا الىندى»، - دەيدى ول.
سونداي-اق قىلمىستىق قۇقىق بۇزۋشىلىققا باسقا دا تۇلعالاردىڭ قاتىسىنىڭ بار-جوعى انىقتالاتىنىن ايتتى. تەرگەۋ امالدارى جالعاسىپ جاتىر.
