قارجى مينيسترلىگى تابىسىن جاسىرعان 438 بلوگەرگە قاتىستى تەكسەرۋ جۇرگىزەدى

استانا. KAZINFORM - بۇگىندە 854 بلوگەرگە 72 ميلليارد تەڭگە تابىس سالىعىن تولەۋ جونىندە حابارلاما جىبەرىلدى. بۇل تۋرالى قارجى ءمينيسترى ءمادي تاكيەۆ ءمالىم ەتتى.

- بلوگەرلەر 2026 -جىلعى 31 -ناۋرىزعا دەيىن دەكلاراتسيا تاپسىرۋى كەرەك، ياعني تابىسىن راستايدى. جالپى بىلەسىزدەر، ءبىز بلوگەرلەرمەن ءبىرتالاي جۇمىس اتقاردىق. مىڭداعان بلوگەرگە سالىق تولەمى تۋرالى حابارلاما جىبەرىلدى، - دەدى ءمادي تاكيەۆ ءماجىلىستىڭ جالپى وتىرىسىنان كەيىن وتكەن بريفينگىدە.

مينيستر كەلتىرگەن مالىمەتكە سۇيەنسەك، 854 بلوگەرگە 72 ميلليارد تەڭگە تابىس سالىعىن تولەۋ جونىندە حابارلاما جىبەرىلدى. ونىڭ ىشىندە 394 بلوگەر 11,8 ميلليارد تەڭگە سالىق تولەدى.

- قالعان 438 بلوگەرگە قاتىستى تەكسەرۋ جۇرگىزەمىز، - دەپ تولىقتىردى ۆەدومستۆو باسشىسى.

بۇعان دەيىن حابارلاعانىمىزداي، 360-قا جۋىق بلوگەر ءوز ەركىمەن 10,5 ميلليارد تەڭگە سوماسىنداعى تابىسىن راستادى. تولەم 256 ميلليون تەڭگە (سالىق) بولدى.

ەسكە سالايىق، جىل باسىندا مەملەكەتتىك كىرىستەر كوميتەتى تابىسىن 53,3 ميلليارد تەڭگەگە جاسىرعان بلوگەرلەر انىقتادى.

اۆتور

داۋلەت ىزتىلەۋ