قاربىزدى قالاي تاڭداۋ كەرەك؟

كەيدە ساتىپ العان قاربىزىمىز اقشىل، ءدامسىز بولىپ، كوڭىلىمىز سۋ سەپكەندەي باسىلادى. پىسكەن، ءتاتتى، شىرىندى قاربىزدى قالاي تاڭداۋ كەرەك؟

1. سىرتى - كۇڭگىرت، جولاقتارى ايقىن

جىلتىراپ تۇرعان قاربىز ەمەس، كۇڭگىرت ءتۇرى پىسكەن بولادى. جولاقتارى قانىق جاسىل جانە ايقىن بولۋى كەرەك.

2. جەرگە تيگەن تۇسى - سارعىش

قاربىزدىڭ ءبىر جاعىنداعى سارى داق - ونىڭ پىسكەن جەرى. ەگەر ول اشىق سارى نەمەسە سارعىش بولسا، پىسكەن. ال اق بولسا، پىسپەگەن.

3. قۇيرىعى (ساباعى) - كەۋىپ قالعان

قۇرعاق، شيراتىلىپ قالعان قۇيرىق - قاربىزدىڭ تولىق پىسكەنىنىڭ بەلگىسى. جاسىل، يىلگىش بولسا، ەرتە ءۇزىپ العان.

4. قاربىز كىشىرەك، ءبىراق اۋىر بولسىن

كىشىرەك قاربىزدىڭ ءوزى اۋىر بولسا، ءىشى تىعىز، شىرىندى. ۇلكەن، ءبىراق جەڭىل قاربىز ءىشى بوس، ءدامسىز بولۋى مۇمكىن.

5. ءتۇبى (گۇل ورنى) كىشكەنتاي بولسىن

قاربىزدىڭ تۇبىندەگى شۇڭقىر (گۇل تۇرعان جەرى) نەعۇرلىم كىشكەنتاي، دوڭگەلەك بولسا، دامدىرەك بولادى.

6. كەسىلگەن قاربىزدىڭ ىشىنە قاراڭىز

- ءتۇسى - قىپ-قىزىل؛
- داندەرى قارا نەمەسە قوڭىر بولۋى كەرەك.
- اق ءدان نەمەسە ءدانسىز بولسا، حيميكاتپەن وسىرىلگەن بولۋى مۇمكىن.
- تالشىقتارى تىم قالىڭ بولسا، پىسپەي جاتىپ جۇلىنعان.