Qarag'andylyq jen'il atletter Azi'anyn' rekordyn jan'artty
O'skemende o'tip jatqan Qazaqstan c'empi'onatynda Qarag'andynyn' estafeta quramasy Azi'anyn' u'zdik na'ti'jesin tirkedi.
«Ni'kolai' Barsanovtan ta'lim alatyn Vi'tali'i' Zems, Vladi'slav Gri'gorev, Vi'ac'eslav Zems, Davi'd Efremov 4x200 metrlik estafetag'a ju'girgen bolatyn. Bul to'rttik atalg'an qas'yqtyqty 1:26:70 mi'ny'tta ju'girip o'tti. So'i'tip, Azi'anyn' u'zdik ko'rsetkis'in ornatty. Bug'an dei'ingi rekord Japoni'a quramasyna ti'esili edi. Olar 1991 jyly 200 metrdi 1:27.04 mi'ny'tta kesip o'tken. Qarag'andylyq atletterdin' osy na'ti'jesin QR Jen'il atleti'ka federasi'asy Azi'a jen'il atletika qay'ymdastyg'yna jiberetin bolady», - dep jazylg'an aqparat ko'zinde.
Ai'ta ketetin jai't, Qazaqstan ky'bogymen salystyrg'anda c'empi'onatta erler arasyndag'y estafetag'a qatysy's'ylar sany artqan. Ky'bokta bar-jog'y 2 qurama o'ner ko'rsetse, bul joly medal u's'in 8 komanda talasty. Ol kezde Pavlodar sports'ylary top jarg'an edi, osy joly kereky'likter ekins'i orynmen s'ekteldi. U'zdik u's'tikti Aqmola oblysynyn' estafetas'ylary qorytyndylady.
A'i'elderden eki komanda jarys jolyna s'yqty. Aleksandra Zali'y'bovskai'a, Roksana Ospanova, Veroni'ka Broslavskai'a, Valenti'na Stepankovskai'a bastag'an Pavlodar quramasy S'yg'ys Qazaqstan qyzdarynan jyldam bolyp s'yqty.
15 qan'tar, O'skemen. Jabyq kes'endegi Qazaqstan c'empi'onaty.
4x200 metrlik estafeta, erler:
1. Qarag'andy obl. - 1.26,70 mi'n.
2. Pavlodar obl. - 1.28,94 mi'n.
3. Aqmola obl. - 1.30,21 mi'n.
4x200 metrlik estafeta, a'i'elder:
1. Pavlodar obl. - 1.44,58 mi'n.
2. S'QO. - 1.47,44 mi'n.
