قاراعاندىدا ەمحانا دەسترۋكتيۆتى ءدىني اعىم وكىلدەرىنە جالعان انىقتاما بەرىپ وتىرعان

денсаулық
Фото: pexels

قاراعاندى. KAZINFORM - قاراعاندى وبلىسى پروكۋراتۋراسىنىڭ تاپسىرماسى بويىنشا جەكە مەديتسينالىق ۇيىمنىڭ قىزمەتى تەكسەرىلدى.

ەڭبەك ميگرانتتارىنا جۇمىسقا ورنالاسۋ ءۇشىن 075/Е نىسانىنداعى 700-دەن استام جالعان مەديتسينالىق انىقتاما بەرۋ فاكتىسى انىقتالدى.

جەكەلەگەن جاعدايلاردا جالعان انىقتاما دەسترۋكتيۆتى ءدىني اعىمداردى ۇستاناتىن ادامدارعا بەرىلگەن، سوڭعىلار كەيىننەن انىقتالىپ، ەل اۋماعىنان شىعارىلدى.

ايتا كەتۋ كەرەك، مەديتسينالىق ورتالىقتا مەديتسينالىق تەكسەرۋدەن ءوتۋدى راستايتىن قۇجاتتاما، سونداي-اق ونى جۇرگىزۋگە قاجەتتى جاعداي بولماعان.

مەديتسينالىق ۇيىمنىڭ زاڭسىز قىزمەتى ازاماتتارىمىزدىڭ قوعامدىق دەنساۋلىعىنا قاۋىپ توندىرگەن.

قاراعاندى وبلىسى بويىنشا مەديتسينالىق جانە فارماتسيەۆتيكالىق باقىلاۋ دەپارتامەنتى مەديتسينالىق ۇيىمنىڭ كىنالى تۇلعالارىنا قاتىستى اكىمشىلىك شارالار قابىلدادى، ۇيىمنىڭ قىزمەتىن توقتاتا تۇرۋ تۋرالى نۇسقاما ەنگىزىلدى.

وسى فاكتى بويىنشا سوتقا دەيىنگى تەرگەپ- تەكسەرۋ ورگاندارى قىلمىستىق ءىس تىركەدى.

تەرگەۋ ءجۇرىپ جاتىر.

اۆتور

جانات قاپالبايەۆا

سوڭعى جاڭالىقتار