قاراعاندى-بالقاش كۇرە جولىنىڭ العاشقى ءتورت جولاعى اشىلدى
استانا. KAZINFORM - كولىك مينيسترلىگىنىڭ مالىمەتىنشە، استانا مەن الماتى قالالارىن قوساتىن ورتالىق-وڭتۇستىك ءدالىزىنىڭ ۋچاسكەلەرىندە قوزعالىس اشىپ، جولدى قولدانىسقا تاپسىرۋ بويىنشا جۇمىس جۇرگىزىلىپ جاتىر.
بۇگىن قاراعاندى-بالقاش كۇرە جولىنىڭ العاشقى ءتورت جولاعى اشىلدى. قاراعاندى قالاسىنان اقباستاۋ اۋىلىنا دەيىنگى ارالىقتا جاڭا اسفالت توسەلىپ، ءتورت جولاقتى جول تولىعىمەن اشىلدى. جول قوزعالىسى قاۋىپسىزدىگىن قامتاماسىز ەتۋ ءۇشىن توسقاۋىل قورشاۋى ورناتىلدى. قاراعاندى-بالقاش كۇرە جولىنىڭ جالپى ۇزىندىعى 363 شاقىرىم.
كۇرە جول I ساناتقا يە جانە ءتورت جولاقتان تۇرادى. قايتا قۇرۋ جۇمىستارى اياسىندا 11 كوپىر، اۋىل شارۋاشىلىعى تەحنيكاسىنىڭ ءوتۋى ءۇشىن ارنالعان 32 جول وتپەسى، كولىك ايرىعى جانە تەمىر جول ارقىلى وتەتىن جول وتپەسىنىڭ قۇرىلىسى تولىق اياقتالدى. بۇل كۇرە جول تولىعىمەن جاڭا اسفالتپەن قامتىلدى.
