قاراباقتاعى اسكەري ارەكەتتەردى توقتاتۋ تۋرالى كەلىسىم جاسالدى
قاراباقتا ورنالاسقان رەسەي بىتىمگەرشىلىك كۇشتەرى قولباسشىلىعىنىڭ اراعايىندىعىمەن 20- قىركۇيەك ساعات 13:00 دەن باستاپ اسكەري قيمىلداردى تولىق توقتاتۋ تۋرالى كەلىسىمگە قول جەتكىزىلدى.
قازاقپارات بۇل تۋرالى «ارمەنپرەسس» اگەنتتىگىنە سىلتەمە جاساپ حابارلايدى.
باسىلىمنىڭ جازۋىنشا، ارتساح پرەزيدەنتىنىڭ اپپاراتى وسى ماسەلە بويىنشا مالىمدەمە تاراتىپ، 21- قىركۇيەك كۇنى ەۆلاحتا قاراباق پەن ازەربايجان بيلىگى وكىلدەرىنىڭ كەزدەسۋى جوسپارلانعانىن حابارلادى.
ەسكە سالايىق، ازەربايجان قۇقىق قورعاۋ ورگاندارىنىڭ مالىمەتى بويىنشا، قاراباقتاعى شيەلەنىس حودجاۆەند اۋدانىنىڭ تاگاۆەرد اۋىلىنىڭ اۋماعىندا بولعان كىسى ولىمىنەن كەيىن باستالدى - ازەربايجاننىڭ مەملەكەتتىك جانە قۇقىق قورعاۋ ورگاندارىنىڭ قىزمەتكەرلەرى تانككە قارسى مينالارعا ءتۇسىپ قالىپ، قازا تاپتى. سودان كەيىن ازەربايجان رەسپۋبليكاسىنىڭ قارۋلى كۇشتەرى تەرروريزمگە قارسى جەرگىلىكتى سيپاتتاعى ءىس-شارالار باستالعانىن جاريالادى.
كەشە ەريەۆان پوليتسياسى ارمەنيا ۇكىمەتى عيماراتىنىڭ الدىنا جينالعان نارازىلىق بىلدىرۋشىلەردى تاراتۋ ءۇشىن ارنايى قۇرالداردى قولداندى.
