قانتتىڭ دەنساۋلىققا قانداي زيانى بار؟
ديەتولوگيا پروفەسسورى كارەن دەللا كورتە ءارتۇرلى ونىمدەردىڭ قۇرامىنداعى قانتتىڭ زيانىن باعالادى. ول بۇل تۋرالى Daily Mail باسىلىمىنا بەرگەن سۇحباتىندا ايتتى، - دەپ حابارلايدى Massaget.kz ءتىلشىسى.
كارەن دەللا كورتەنىڭ سوزىنشە، بىرنەشە عالىممەن بىرىگىپ، 2-ءتيپتى قانت ديابەتىنىڭ دامۋى بويىنشا زەرتتەۋ جۇرگىزگەن. ونىڭ ايتۋىنشا، گازدالعان سۋسىندار مەن شىرىن بۇل اۋرۋدىڭ دامۋ قاۋپىن ايتارلىقتاي ارتتىرادى.
«گازدالعان سۋسىندار، ەنەرگەتيكالىق سۋسىندار جانە سپورتتىق سۋسىندار، جالپى قانت قوسىلعان سۋسىنداردىڭ ءاربىر 350 ءميلليليترى قانت ديابەتىنىڭ قاۋپىن ارتتىرادى»، - دەدى ديەتولوگ.
پروفەسسور نان ونىمدەرى مەن بالدا كەزدەسەتىن قانت قانت ديابەتىنە بۇلاي اسەر ەتپەيتىنىن ايتتى. ساراپشىنىڭ پىكىرىنشە، كەيبىر جاعدايلاردا بۇل ونىمدەر ءتىپتى قانداعى گليۋكوزا دەڭگەيىن تومەندەتۋگە كومەكتەسەدى.
