قۋاندىق بيشىمبايەۆ وزىنە تاعىلعان ايىپتاردى مويىندامادى

  استانا. KAZINFORM - بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ وزىنە تاعىلعان ايىپتاردى مويىندامادى.

«تاعىلعان ايىپتارمەن كەلىسپەيمىن. ءىس القابيلەردىڭ قاتىسۋىمەن قارالسا جانە سوت ب ا ق وكىلدەرىنىڭ قاتىسۋىمەن اشىق وتسە»، - دەدى قۋاندىق بيشىمبايەۆ سوت الدىندا.

كۇدىكتى قۋاندىق بيشىمبايەۆقا ق ر قىلمىستىق كودەكسىنىڭ 99-بابى 2-بولىگى 5-تارماعى بويىنشا ادام ءولتىرۋ، قاساقانا، اسا قاتىگەزدىكپەن ادام ءولتىرۋ، قىلمىستىق كودەكستىڭ 110-بابى 2-بولىگى 1-تارماعى بويىنشا ماتەريالدىق جاعىنان تاۋەلدى ادامدى جۇيەلى تۇردە ۇرىپ-سوعۋ نەمەسە وزگە دە زورلىق-زومبىلىق ارەكەتتەرى ارقىلى فيزيكالىق جانە پسيحيكالىق قيناۋ فاكتىسى بويىنشا ايىپ تاعىلىپ وتىر.

استانادا قۋاندىق بيشىمبايەۆتىڭ ءىسى بويىنشا الدىن الا تىڭداۋ ءوتىپ جاتىر.

ءىس ەلوردانىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالىپ جاتىر. سۋديا- ايجان قۇلبايەۆا.

ايتا كەتسەك، الدىن الا تىڭداۋعا 80 گە جۋىق ب ا ق وكىلى ونلاين قاتىسىپ وتىر.