قۋاندىق بيشىمبايەۆ باستى سوت وتىرىسىنا نەگە كەلمەدى

استانا. KAZINFORM - بۇگىن ساعات 10:00-دە باستالۋى ءتيىس ەكس-شەنەۋنىك قۋاندىق بيشىمبايەۆقا قاتىستى سوت وتىرىسى تۇستەن كەيىنگە قالدىرىلدى.

سوت زالىندا ايىپتىلار قۋاندىق بيشىمبايەۆ پەن باۋىرجان بايجانوۆتىڭ بولماۋىنا بايلانىستى سۋديا سوت وتىرىسىن كەيىنگە شەگەرۋ تۋرالى شەشىم قابىلدادى.

«باستى سوت وتىرىسى ساعات 14:30-عا قالدىرىلادى، ويتكەنى ايداۋىل قىزمەتى ساعات 12:00-دە كەلەدى، ار جاعىندا ءبىر ساعات قالادى، ول جەتكىلىكسىز»، - دەدى ايجان قۇلبايەۆا.

سونداي-اق، سۋديا كۇدىكتىلەردى جەتكىزەتىن ايداۋىل قىزمەتىندە تەحنيكالىق اقاۋ بولعانىن ايتتى.

ايتا كەتەيىك، ق. بيشىمبايەۆتىڭ ءىسى بويىنشا سوت تەرگەۋى 24-ساۋىردە اياقتالدى، بۇگىن جارىس ءسوز ءوتۋى ءتيىس. 
ەسكە سالساق، قۋاندىق بيشىمبايەۆتىڭ ءىسى بويىنشا سوت وتىرىسى بۇعان دەيىن دە ۋاقىتشا توقتاتىلعان ەدى.

جوعارعى سوتتىڭ كوممۋنيكاتسيا ءبولىمى حابارلاعانداي، سوت پروتسەسىنە قوعام جوعارى قىزىعۋشىلىق تانىتىپ وتىر.

اۆتور
داۋلەت ىزتىلەۋ