قانداي ماماندىقتار ميدى تەز قارتايتادى؟

 جاڭا زەرتتەۋدىڭ اۆتورلارىنىڭ ءبىرى، پروفەسسور ۆەگارد سكيربەكك كومانداسىنىڭ جۇمىسى اۋلاق بولۋ كەرەك ماماندىقتاردى انىقتاپ قانا قويماي، فيزيكالىق بەلسەندىلىك پارادوكسىن راستاعانىن ايتتى، - دەپ حابارلايدى Men Today. 

زەرتتەۋدىڭ مالىمەتىنە سايكەس، ورتاشا نەمەسە جوعارى فيزيكالىق بەلسەندىلىكپەن بايلانىستى كاسىپتە ۇزدىكسىز جۇمىس ىستەۋ ەستە ساقتاۋ، كەڭىستىكتەگى باعدارلاۋ سياقتى مي جۇمىسى سيپاتتامالارىنىڭ بۇزىلۋ قاۋپىن ارتتىرادى.

ينتەللەكتتى بۇزىپ، ميدىڭ تەز قارتايۋىن تۋدىراتىن ماماندىقتاردىڭ ءتىزىمى:

كىشى مەدبيكە،

فەرمەر،

مال باعۋشى،

تاربيەشى،

ساتۋشى.

عالىمدار +HUNT4 70 باعدارلاماسىنىڭ 7005 قاتىسۋشىسىنىڭ دەرەكتەرىن تالدادى، بۇل دەمەنتسيا بويىنشا الەمدەگى ەڭ ءىرى پوپۋلياتسيالىق زەرتتەۋدىڭ ءبىرى. بۇل توپتىڭ 902-سىنە دەمەنتسيا دياگنوزى قويىلدى، ال 2407-دە جەڭىل كوگنيتيۆتى بۇزىلۋلار بولعان.

بۇل ماسەلەنى زەرتتەگەن توپ فيزيكالىق اۋىر جۇمىس ىستەيتىن ادامداردا دەمەنتسيانىڭ دامۋ ىقتيمالدىعى شامامەن 15,5 پايىزعا، ال كاسىپتىك جاتتىعۋلارى تومەن ادامداردا 9 پايىزعا جوعارى ەكەنىن انىقتادى. ساتۋشى مەن سانيتارلارعا قاتىستى (كىشى مەدبيكەلەر مەن كۇتۋشىلەر) جۇيكە جاسۋشالارىنىڭ بۇزىلۋىنا اكەلەتىن سەبەپ:

تاۋەلسىزدىكتىڭ بولماۋى،

ۇنەمى اياقتا تۇرۋ،

جۇمىس كەستەسى،

سترەسس،

ەموتسيونالدى كۇيىپ كەتۋ قاۋپى جوعارى.

«بوس ۋاقىتتا سپورتپەن شۇعىلدانۋ كوگنيتيۆتى فۋنكسيانى جاقسارتادى. ال جۇمىسقا بايلانىستى فيزيكالىق بەلسەندىلىك كوگنيتيۆتى ناتيجەنىڭ ناشارلاۋىنا اكەلۋى مۇمكىن»، - دەدى عىلىمي جۇمىستىڭ باس اۆتورى Sun باسىلىمىنا بەرگەن سۇحباتىندا.

زەرتتەۋ نورۆەگيانىڭ ۇلتتىق قارتايۋ جانە دەنساۋلىق ورتالىعى جانە كولۋمبيا ۋنيۆەرسيتەتىنىڭ باتلەر قارتايۋ ورتالىعىمەن بىرلەسىپ جۇرگىزىلدى، ونىڭ ناتيجەلەرى Lancet عىلىمي باسىلىمىندا جاريالاندى.