قانداي جاعدايدا سوت وتىرىستارى تىكەلەي ەفيردەن كورسەتىلەدى

استانا. KAZINFORM – ق ر ادىلەت مينيسترلىگىنىڭ رەسمي وكىلى تالعات ءۋالي قانداي جاعدايدا سوت وتىرىستارىنان تىكەلەي ترانسلياتسيا جاسالاتىنىن ءتۇسىندىردى.

«ءىس جۇزىندە بۇل ماسەلە ادىلەت مينيسترلىگىنىڭ قۇزىرىنا كىرمەيدى. ءبىراق، سوڭعى تاجىريبەگە سۇيەنسەك، مۇنداي ترانسلياتسيالار قوعام تاراپىنان وڭ باعاسىن الدى»، - دەپ جاۋاپ بەردى تالعات ءۋالي تىلشىلەر سۇراعىنا.

بۇل رەتتە رەسمي وكىل تىكەلەي ترانسلياتسيا ءۇشىن تاراپتاردىڭ كەلىسىمى قاجەت ەكەنىن اتاپ ءوتتى.

«بۇل جاعدايدا تاراپتاردىڭ مۇددەلەرى ەسكەرىلەدى، ەگەر تاراپتار ترانسلياتسياعا رۇقسات بەرسە، وسى جاعدايدا عانا سۋديا تىكەلەي ەفيردە كورسەتۋگە نەمەسە بۇقارالىق اقپارات قۇرالدارىن كىرگىزۋگە قۇقىلى. بۇل تاجىريبە شەتەلدە كەڭىنەن قولدانىلادى. قازاقستاندا كەيىنگى ۋاقىتتا الماتىداعى اۆتوبۋس اپاتى جانە ق. بيشىمبايەۆ ءىسى ينتەرنەت- رەسۋرستار ارقىلى كورسەتىلدى. ەگەر تاراپتار قارسى بولماسا، بۇل تاجىريبە دۇرىس دەپ سانايمىن»، - دەيدى ت. ءۋالي.

ەسكە سالساق، بۇعان دەيىن ەلىمىزدە سوت ساراپتاماسىنىڭ جاڭا ءتۇرى پايدا بولعانىن حابارلاعان بولاتىنبىز.

اۆتور

ايجان سەرىكجان قىزى