قانداي جاعدايدا ەلدەن مالدى تىرىدەي شىعارۋعا تىيىم سالىنادى
استانا. KAZINFORM - ەلىمىزدەن سىرتقا مال ساتۋعا ارنايى كۆوتا بەلگىلەنگەن. سونىڭ اياسىندا ءار 6 ايدا ەلدەن شىعارىلاتىن مالدىڭ ناقتى سانى انىقتالادى. بۇل تۋرالى Kazinform اگەنتتىگى جولداعان ساۋالعا اۋىل شارۋاشىلىعى مينيسترلىگىنىڭ رەسمي جاۋابىندا ايتىلعان.
- مينيسترلىك اگروونەركاسىپ كەشەنى ءونىمىنىڭ يمپورت-ەكسپورتىنا تۇراقتى مونيتورينگ جۇرگىزەدى جانە يمپورت-ەكسپورت ءوسىمىنىڭ جوعارىلاۋ ءۇردىسى تۋىنداعان جانە ىشكى نارىققا قاۋىپ تونگەن جاعدايدا دەن قويۋ شارالارىن قابىلداۋ جونىندەگى ءتيىستى ۇسىنىستار سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ (ۆ ا ك) قاراۋىنا جىبەرىلەدى، - دەلىنگەن حابارلامادا.
سونداي-اق ۆەدومستۆو قازىردىڭ وزىندە ەلدەن ۇرعاشى مالدى شىعارۋعا تىيىم بارىن اتاپ وتكەن.
- قازىرگى تاڭدا انالىق مالعا تىيىم سالىنعان جانە بۇقاشىقتار مەن ەركەك توقتىلارعا جاڭا كۆوتا ەنگىزىلەدى. ەكسپورت تەك كۆوتا شەڭبەرىندە جۇزەگە اسىرىلادى، - دەپ جازىلعان جاۋاپتا.
ايتا كەتەيىك، بۇعان دەيىن مينيسترلىك ەلدەن تىرىدەي مال شىعارۋعا قاتىستى ارنايى كۆوتا بارىن مالىمدەگەن بولاتىن.
