قانداي بانكتەر يپوتەكا بەرۋدى ۋاقىتشا توقتاتتى

استانا. KAZINFORM - قازاقستانداعى كەيبىر بانكتەر قايتالاما نارىقتان باسپانا ساتىپ الۋعا ارنالعان يپوتەكالىق نەسيەلەر بويىنشا ءوتىنىش قابىلداۋدى ۋاقىتشا توقتاتتى.

ەسكە سالا كەتسەك، قازاقستاندا يپوتەكا بويىنشا جىلدىق ءتيىمدى سىياقى مولشەرلەمەسى %25 دان %20 عا تومەندەتىلدى. ءتيىستى تۇزەتۋ قارجى نارىعىن رەتتەۋ جانە دامىتۋ اگەنتتىگى مەن ۇلتتىق بانكتىڭ بىرلەسكەن قاۋلىسىنا ەنگىزىلگەن. جاڭا تالاپ 15-ماۋسىمدا كۇشىنە ەندى.

بۇگىن Kazinform ءتىلشىسى بانكتەرگە قوڭىراۋ شالىپ، Halyk Bank، سەنتركرەديت بانكى مەن نۇربانك قايتالاما تۇرعىن ءۇي نارىعىنا قاتىستى يپوتەكالىق ءوتىنىش قابىلداۋدى ۋاقىتشا توقتاتقانىن انىقتادى.

وپەراتورلاردىڭ ايتۋىنشا، قازىر بۇل بانكتەردە تەحنيكالىق جۇمىستار جۇرگىزىلىپ، جاڭا مولشەرلەمەلەر ەنگىزىلىپ جاتىر.

سونىمەن بىرگە، Altyn Bank پەن Freedom Bank يپوتەكالىق وتىنىشتەردى قالىپتى تارتىپتە قابىلداپ، قاراستىرىپ جاتقانىن حابارلادى.

ايتا كەتەيىك، جىل باسىنان بەرى يپوتەكالىق باعدارلامالار بويىنشا 11 مىڭنان استام نەسيە بەرىلدى.