قىتايلىق قانداسىمىز شىڭجاڭدا لاۋازىمدى قىزمەتكە تاعايىندالدى
استانا. KAZINFORM - قانداسىمىز مۇقيات جارمۇقامەت ۇلى شىڭجاڭ-ۇيعىر اۆتونوميالىق اۋدانى حالىق ۇكىمەتىنىڭ ءتوراعاسىنىڭ ورىنباسارى قىزمەتىنە تاعايىندالدى.
تيان-شان پورتالىنىڭ حابارلاۋىنشا، 8-مامىر كۇنى ۇرىمجىدە شىڭجاڭ-ۇيعىر اۆتونوميالىق ولكەسىنىڭ XIV حالىق وكىلدەرى جينالىسى تۇراقتى كوميتەتىنىڭ X ءماجىلىسى وتكەن. داۋىس بەرۋدەن كەيىن مۇقيات جارمۇقامەت ۇلىن شىڭجاڭ-ۇيعىر اۆتونوميالىق اۋدانى حالىق ۇكىمەتىنىڭ ءتوراعاسىنىڭ ورىنباسارى لاۋازىمىنا تاعايىنداۋ تۋرالى شەشىم قابىلداندى. ارتىنشا كونستيتۋتسيالىق انت قابىلداۋ ءراسىمى ءوتتى.
ايتا كەتەيىك، مۇقيات جارمۇقامەت ۇلى 1967 -جىلى ق ح ر التاي ايماعىنىڭ جەمەنەي اۋدانىندا تۋعان. ورتالىق پارتيا مەكتەبىندە وقىعان. وسىعان دەيىن ش ۇ ا ر حالىق وكىلدەرى جينالىسى تۇراقتى كوميتەت باسشىسىنىڭ ورىنباسارى جانە ش ۇ ا ر كاسىپوداقتار فەدەراتسياسىنىڭ ءتوراعاسى، بۇكىل قىتايلىق كاسىپوداقتار فەدەراتسياسى ءتوراعاسىنىڭ ورىنباسارى قىزمەتتەرىن اتقارعان.
اۆتور
باقىتجول كاكەش
