قانداستاردى قولداۋ تاسىلدەرى جاڭارادى

استانا. KAZINFORM - وتانعا ورالعان قانداستاردى حالىق از ورنالاسقان جانە ەڭبەك كۇشى تاپشى وڭىرلەرگە ورنالاستىرۋعا باسىمدىق بەرىلەدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ءمالىم ەتتى.

- ەتنيكالىق رەپاترياتسيا ينستيتۋتىن دامىتۋ كونتەكستىندە قانداس مارتەبەسىن بەرۋ، تىركەۋ جانە قولداۋ بويىنشا، ونىڭ ىشىندە «قانداس» سيفرلىق پلاتفورماسى ارقىلى قولداۋ كورسەتۋ تاسىلدەرىن قايتا قاراۋ مىندەتى تۇر. جاڭا مىندەت قانداستاردى جۇمىس كۇشى تاپشى وڭىرلەرگە قونىستاندىرۋ ەرەكشەلىكتەرىن ەسكەرە وتىرىپ ازىرلەنەدى، - دەدى سۆەتلانا جاقىپوۆا ۇكىمەت وتىرىسىندا.

سونداي-اق مينيستر وتانعا ورالعان قانداستاردى حالقى از ايماقتارعا ورنالاستىرۋ جوسپاردا بارىن ايتتى.

- قانداستارمەن كەرى بايلانىس تەتىكتەرىن پايدالانا وتىرىپ، بەيىمدەۋ شارالارىن (تۇرعىن ءۇي، ءبىلىم بەرۋ، تىلدىك ينتەگراتسيا، كاسىپتىك باعدار بەرۋ) ودان ءارى جەتىلدىرۋ جانە ينتەگراتسيانىڭ تابىستىلىعىن باقىلاۋ قاراستىرىلعان. شەتەلدىك مەكەمەلەر مەن «وتانداستار» قورىنىڭ، سونداي-اق ءتۇرلى دياسپورالاردىڭ كومەگىمەن «Migration.enbek.kz» كوشى-قون پلاتفورماسى اياسىندا شەتەلدە تۇراتىن قازاقتاردىڭ ءتىزىمى ازىرلەنىپ، ەنگىزىلەدى، - دەپ تولىقتىردى ۆەدومستۆو باسشىسى.

بيىل مامىردا قانداس مارتەبەسىن بەرۋ ءتارتىبى قايتا قارالاتىنى تۋرالى حابارلاعان ەدىك.

ايتا كەتەيىك، قانداس مارتەبەسىن العان وتانداستارىمىزدىڭ %17 جوعارى ءبىلىمدى.