قانداستاردى قابىلداۋدىڭ وڭىرلىك كۆوتاسىنا وزگەرىس ەنگىزىلدى

استانا. KAZINFORM – ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ قانداستار مەن قونىس اۋدارۋشىلاردى قابىلداۋدىڭ 2024 -جىلعا ارنالعان وڭىرلىك كۆوتاسىنا وزگەرىس ەنگىزدى.

اتاپ ايتقاندا، قانداستاردى قابىلداۋدىڭ 2024 -جىلعا ارنالعان وڭىرلىك كۆوتاسىنىڭ سانى 3033 ادام بولىپ بەكىتىلدى. ال قونىس اۋدارۋشىلاردى قابىلداۋدىڭ بيىلعى وڭىرلىك كۆوتاسىنىڭ سانىندا 6450 ادام بەلگىلەندى.

شىلدە ايىنىڭ باسىندا قانداستاردى قابىلداۋدىڭ وڭىرلىك كۆوتاسى 600 ادامعا ۇلعاياتىنى حابارلانعان ەدى.

ەسكە سالساق، قونىستاندىرۋ وڭىرلەرىندە 2024 -جىلعا ارنالعان قانداستاردى قابىلداۋ كۆوتاسى 2433 ادامدى قۇراعان ەدى.

بيىلعى 1- شىلدەدەگى جاعداي بويىنشا 8758 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى.

اۆتور

رۋسلان عابباسوۆ