قانداس تالاپكەرلەر ءۇشىن وقۋعا تۇسۋگە جاڭا جەڭىلدەتىلگەن تالاپتار قابىلدادى

استانا . KAZINFORM – ق ر عىلىم جانە جوعارى ءبىلىم مينيسترلىگى جانە «وتانداستار قورى» ك ە ا ق بىرلەسىپ شەتەلدەگى قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق ادامدار ءۇشىن قازاقستان رەسپۋبليكاسىنىڭ جوعارعى وقۋ ورىندارىنا وقۋعا تۇسۋگە وسى جىلدان باستاپ جاڭا جەڭىلدەتىلگەن تالاپتار قابىلدادى .

ق ر عىلىم جانە جوعارى ءبىلىم مينيسترلىگىنىڭ №600 جانە №204 بۇيرىقتارىنا تومەندەگىدەي جاڭا تالاپتار ەنگىزىلگەن:

بىرىنشىدەن، قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق ادامدار ءۇشىن ۇ ب ت تاپسىرعان كەزدە شەكتىك بال بولمايدى.

ەكىنشىدەن، بەس ەمتيحاننىڭ ورىنىنا ءۇش ەمتيحان تاپسىرادى (وقۋ ساۋاتتىلىعى جانە تاڭداعان باعىت بويىنشا ەكى بەيىندىك پاننەن).

ۇشىنشىدەن، ءتورت جوعارعى وقۋ ورنىن جانە ءبىلىم بەرۋ باعدارلاماسىن تاڭداۋعا مۇمكىندىك ساقتالىپ قالدى.

تورتىنشىدەن، قازاق ءتىلىن تولىق مەڭگەرمەگەن ازاماتتارعا ورىس تىلىندە تاپسىرۋعا مۇمكىندىك ساقتالدى.

«13-شىلدەدەن باستاپ، مەملەكەتتىك ءبىلىم گرانتىن الۋعا قۇجاتتار قابىلداۋ باستالدى. وعان تالاپكەرلەردەن 13-20-شىلدە ارالىعىندا مەملەكەتتىك ءبىلىم گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتار قابىلدانىپ جاتىر. سۋ تاسقىنى بولعان ايماقتىڭ (اقمولا، اقتوبە، اتىراۋ، ب ق و، قوستاناي، س ق و) تالاپكەرلەرى ءۇشىن 13-24-شىلدە ارالىعىندا قابىلدانادى. كەز كەلگەن تالاپكەر قازاقستاننىڭ بارلىق جوعارى وقۋ ورنىنا قۇجاتتارىن تاپسىرا الادى جانە ول ونلاين تۇرىندە دە جۇزەگە اسىرىلۋدا. مەملەكەتتىك ءبىلىم بەرۋ گرانتتارىن تاعايىنداۋ ق ر عىلىم جانە جوعارى ءبىلىم مينيسترلىگىنىڭ قۇرعان كوميسسياسىنىڭ شەشىمىمەن بەلگىلى بولادى. وسى رەتتە، قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق ۇمىتكەرلەر قۇجاتتارىڭىزدى گرانت يەگەرى بولۋعا تاپسىرۋعا اسىعىڭىزدار»، - دەلىنگەن مينيسترلىك تاراتقان حابارلامادا.

ناتيجەلەر رەسپۋبليكالىق مەرزىمدى باسىلىمداردىڭ بەتتەرىندە جانە سايتتاردا 10 -تامىزعا دەيىن جاريالانادى.

 

ريزابەك نۇسىپبەك ۇلى