قانداس مارتەبەسىن بەرۋ ءتارتىبى قايتا قارالادى
استانا. KAZINFORM - پرەمەر- مينيستر ولجاس بەكتەنوۆ 2025 -جىلعى 25 -ساۋىردەگى № 68 قانداس مارتەبەسىن بەرۋ تەتىگىن وزگەرتۋ بويىنشا ۇسىنىستار ازىرلەۋ ءۇشىن جۇمىس توبىن قۇرۋ تۋرالى وكىمگە قول قويدى.
- وسى وكىمگە قوسىمشاعا سايكەس قۇرامدا قانداس مارتەبەسىن بەرۋ تەتىگىنە زاڭنامالىق تۇزەتۋلەر ەنگىزۋ جونىندەگى ۇسىنىستار ازىرلەۋ ءۇشىن جۇمىس توبى قۇرىلسىن. جۇمىس توبى 2025 -جىلعى 30 -مامىرعا دەيىن مەرزىمگە قانداس مارتەبەسىن بەرۋ ءتارتىبىن قايتا قاراۋ بويىنشا زاڭنامالىق تۇزەتۋلەر ازىرلەسىن جانە ولاردى قازاقستان رەسپۋبليكاسىنىڭ ۇكىمەتى اپپاراتىنا ەنگىزسىن، - دەلىنگەن وكىم ماتىنىندە.
وكىمنىڭ ورىندالۋىن باقىلاۋ جانە جەتەكشىلىك ەتۋ پرەمەر-ءمينيستردىڭ ورىنباسارى ەرمەك كوشەربايەۆقا جۇكتەلدى.
قانداس مارتەبەسىن بەرۋ تەتىگىنە زاڭنامالىق تۇزەتۋلەر ەنگىزۋ جونىندەگى ۇسىنىستار ازىرلەيتىن جۇمىس توبىنىڭ قۇرامى:
- قازاقستان رەسپۋبليكاسى پرەمەر- ءمينيسترىنىڭ ورىنباسارى، باسشى؛
- قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە- ءمينيسترى، باسشىنىڭ ورىنباسارى؛
- قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى، حاتشى؛
- قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى ءتوراعاسىنىڭ ورىنباسارى (كەلىسىمى بويىنشا)؛
- قازاقستان رەسپۋبليكاسىنىڭ ادىلەت ۆيتسە-ءمينيسترى؛
- قازاقستان رەسپۋبليكاسىنىڭ عىلىم جانە جوعارى ءبىلىم ۆيتسە-ءمينيسترى؛
- قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى؛
- قازاقستان رەسپۋبليكاسىنىڭ مادەنيەت جانە اقپارات ۆيتسە-ءمينيسترى؛
- قازاقستان رەسپۋبليكاسىنىڭ وقۋ-اعارتۋ ۆيتسە- ءمينيسترى؛
- قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى؛
- قازاقستان رەسپۋبليكاسىنىڭ ۇلتتىق ەكونوميكا ۆيتسە-ءمينيسترى؛
- قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى؛
- قازاقستان رەسپۋبليكاسى ىشكى ىستەر ءمينيسترىنىڭ ورىنباسارى؛
- قازاقستان رەسپۋبليكاسى ۇكىمەتى اپپاراتىنىڭ الەۋمەتتىك دامۋ ءبولىمىنىڭ مەڭگەرۋشىسى؛
- وبلىستار، رەسپۋبليكالىق ماڭىزى بار قالالار، استانا اكىمىنىڭ ورىنباسارلارى.
ايتا كەتسەك، ەڭبەك جانە حالىقتى الەۋمەتتىك قورعاۋ مينيسترلىگىنىڭ بيىل 24 -ساۋىردەگى مالىمەتى بويىنشا 3,2 مىڭنان اسا ەتنيكالىق قازاق قانداس مارتەبەسىن الدى.
ەسكە سالساق، ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن قانداستار مەن قونىس اۋدارۋشىلاردى قابىلداۋدىڭ 2025 -جىلعا ارنالعان وڭىرلىك كۆوتاسى 9653 ادام دەپ بەلگىلەندى، بۇل بىلتىرعى جىلمەن سالىستىرعاندا 170 ادامعا ارتىق.
