قانات يسلام فەدەراتسيادا قايرات ساتجانوۆپەن بىرگە جاڭا جوبالار باستايتىنىن ايتتى
استانا. KAZINFORM - قازاقستاندىق بوكسشى قانات يسلام ەلوردادا جۇمىسىن باستاپ، قازاقستان بوكس فەدەراتسياسىنىڭ ۆيتسە-پرەزيدەنتى، ۇلتتىق قۇرامانىڭ بۇرىنعى باس باپكەرى قايرات ساتجانوۆپەن بىرلەسكەن جوبالاردى قولعا الاتىنىن مالىمدەدى.
سپورتشى بۇل تۋرالى جانكۇيەرلەرىنە ارناعان ۇندەۋىندە ايتتى:
«اسسالاۋماعالەيكۋم، قۇرمەتتى جانكۇيەرلەر! بۇگىن استاناعا كەلىپ، جۇمىسىمدى باستادىم. قۇداي قالاسا، قايرات اعامەن كەزدەسىپ، الداعى جوسپارلاردى تالقىلادىق. بولاشاقتا بىرگە جۇمىس ىستەيمىز. قازاقستان سپورتى مەن بوكسىن دامىتۋعا باعىتتالعان اۋقىمدى جوسپارلارىمىز بار. اعامىزدى كورگەنىمە قۋانىشتىمىن»، - دەدى يسلام.
ايتا كەتەيىك، 24-ناۋرىز كۇنى قانات يسلام رەسمي تۇردە قازاقستان جاستار قۇراماسىنىڭ (U19) ۇيلەستىرۋشىسى قىزمەتىنە تاعايىندالعان بولاتىن. سونىمەن قاتار ونىڭ WBA Fedecaribe تۇجىرىمى بويىنشا چەمپيون دەگەن اتاعى بار. اۋەسقوي مانسابىندا قىتاي قۇراماسى ساپىندا ونەر كورسەتىپ، بەيجىڭ وليمپياداسىنىڭ، الەم چەمپيوناتى مەن ازيا ويىندارىنىڭ قولا جۇلدەگەرى اتانعان.
ال قايرات ءساتجانوۆ 10-قاڭتاردا ۇلتتىق قۇرامانىڭ باس باپكەرى قىزمەتىنەن كەتكەن ەدى. ونىڭ ورنىنا نۇرجان ناسانوۆ تاعايىندالدى.
