قالا سىرتىنداعى تۇرعىن ۇيلەرگە سۇرانىس ارتتى

استانا. KAZINFORM - ماجارستان استاناسى بۋداپەشتتىڭ جىلجىمايتىن مۇلىك نارىعىندا ايتارلىقتاي وزگەرىستەر بايقالىپ جاتىر، دەپ حابارلايدى ازەرتادج.

ماماندار قالاداعى، اسىرەسە ورتالىق اۋداندارداعى پاتەرلەرگە سۇرانىستىڭ ازايۋىن تىركەپ وتىر، ال قالا سىرتىنداعى جىلجىمايتىن مۇلىككە دەگەن قىزىعۋشىلىق ارتىپ كەلەدى.

بۋداپەشتتەگى پاتەرلەردىڭ باعاسى تومەندەپ جاتىر. بۇل ۇسىنىستىڭ ارتىق بولۋى مەن ساتىپ الۋشىلاردىڭ ازدىعىمەن بايلانىستى. قالا تۇرعىندارى كوبىرەك قالا ماڭىنا جانە كول جاعالاۋلارىنا كوشىپ جاتىر، مۇندا سۇرانىس پەن باعا ءوسىمى بايقالادى.

بۋداپەشت ورتالىعىنداعى ستاندارتتى پاتەرلەر تانىمالدىلىعىن جوعالتىپ جاتسا، كەرىسىنشە قالا سىرتىنداعى تۇرعىن ۇيلەردىڭ ماڭىزى ارتقان.

اناليتيكتەر نەگىزگى سەبەپتەر رەتىندە قالادا ءومىر ءسۇرۋ شىعىندارىنىڭ ءوسۋىن، پاندەميادان كەيىن باسىمدىقتاردىڭ وزگەرۋىن، كولىك ينفراقۇرىلىمىنىڭ جاقسارۋىن جانە قاشىقتان جۇمىس ىستەۋ مۇمكىندىگىنىڭ دامۋىن اتايدى. ساتىپ الۋشىلار كەڭدىك پەن تىنىشتىقتى ىزدەپ، قالا سىرتىنداعى تۇرعىن ۇيلەرگە بەت بۇرعان.

الداعى ايلاردا بۇل تەندەنتسيا ساقتالادى دەپ كۇتىلەدى بۋداپەشتتەگى پاتەرلەردىڭ باعاسى بىرتىندەپ تومەندەي بەرەدى، ال قالا ماڭىنا دەگەن قىزىعۋشىلىق تۇراقتى تۇردە وسەدى.

بۇدان بۇرىن بيىل ماجارستاندا جەمىس-جيدەك داقىلدارىنىڭ ءتۇسىمى كۇرت تومەندەپ، بۇل باعانىڭ ءوسۋى مەن ەكسپورت كولەمىنىڭ ازايۋىنا سەبەپ بولعانىن جازعانبىز.