ق. توقايەۆ رۋمىنيا پرەزيدەنتىنە قۇتتىقتاۋ جەدەلحاتىن جولدادى

استانا. قازاقپارات - مەملەكەت باسشىسى رۋمىنيا پرەزيدەنتى نيكۋشور دانعا قۇتتىقتاۋ جەدەلحاتىن جولدادى.

 قاسىم-جومارت توقايەۆ نيكۋشور داندى رۋمىنيا پرەزيدەنتى لاۋازىمىنا سايلانۋىمەن قۇتتىقتادى.

- بۇل جەڭىسىڭىز - حالقىڭىزدىڭ سىزگە جانە رۋمىنيانىڭ دامۋىن باياندى ەتۋگە باعىتتالعان ماڭىزدى جوسپارلارىڭىزعا كورسەتكەن قولداۋى مەن سەنىمىنىڭ ايقىن دالەلى دەپ بىلەمىن. بىرلەسكەن كۇش-جىگەرىمىزدىڭ ارقاسىندا استانا مەن بۋحارەست اراسىندا قالىپتاسقان ءداستۇرلى دوستىق پەن ءوزارا ءتيىمدى ىنتىماقتاستىق الداعى ۋاقىتتا دا نىعايا تۇسەتىنىنە ءۇمىتىم زور، - دەلىنگەن جەدەلحاتتا.