قىتايمەن ق ت ج ءبىرقاتار حالىقارالىق كەلىسىمگە قول قويدى
پرەزيدەنت قاسىم-جومارت توقايەۆتىڭ قىتايعا رەسمي ساپارى اياسىندا «قازاقستان تەمىر جولى» ۇ ك» ا ق دەلەگاتسياسى ءبىرقاتار حالىقارالىق ءىس-شارالارعا، ونىڭ ىشىندە «ءبىر بەلدەۋ، ءبىر جول» ءۇشىنشى حالىقارالىق فورۋمىنا قاتىستى، دەپ حابارلايدى Kazinform.
«سامۇرىق-قازىنا» قورى باسپا ءسوز قىزمەتىنىڭ مالىمەتىنشە، قىتاي تەمىر جولدارىنىڭ باسشىلارىمەن، CRRC ،Huawei، «ليانيۋنگان پورتى» م ك» ج ش ق جانە باسقا سەرىكتەستەرمەن كەزدەسۋ وتكىزىلدى. ءبىرقاتار قۇجاتقا قول قويىلدى، سونىڭ ىشىندە: قىتايلىق ەڭ ءىرى CRRC كورپوراتسياسىمەن لوكوموتيۆتەردى ساتىپ الۋ تۋرالى نەگىزدەمەلىك كەلىسىم جانە «ليانيۋنگان پورتى» م ك» ج ش ق-مەن ىنتىماقتاستىق تۋرالى كەلىسىم.
كەزدەسۋ بارىسىندا 10 جىلدىعى بيىل اتالىپ ءوتىپ جاتقان «ءبىر بەلدەۋ، ءبىر جول» باستاماسىنىڭ نەگىزگى بۋىنىنا اينالعان قازاقستاننىڭ ستراتەگيالىق ءرولى ەرەكشە پاش ەتىلدى.
وسى ونجىلدىقتا قازاقستان مەن قىتاي اراسىنداعى كونتەينەرلىك جۇك اينالىمى 6,5 ميلليون كونتەينەردەن استى. بۇل رەتتە قىتاي - ەۋروپا - قىتاي باعىتىنداعى كولەم 100 ەسەدەن استام ءوستى (2013 -جىلعى 7,6 مىڭ كونتەينەردەن 2022 -جىلى 790 مىڭ كونتەينەرگە دەيىن).
اۆتور
ەلميرا ورالبايەۆا
