ق ر پرەزيدەنتىنىڭ باسپا ءسوز حاتشىسى توقايەۆتىڭ اكەسىنىڭ ارحيۆتەگى سۋرەتتەرىن جاريالادى
استانا. KAZINFORM - ق ر پرەزيدەنتىنىڭ كەڭەسشىسى- باسپا ءسوز حاتشىسى رۋسلان جەلدىباي Facebook پاراقشاسىندا كەمەل توقايەۆتىڭ 1984 -جىلى ماڭعىستاۋدا تۇسكەن سۋرەتتەرىن جاريالادى.
سۋرەتتەردە قازاقستان پرەزيدەنتىنىڭ اكەسى، تانىمال جازۋشى، رەداكتور، ۇلى وتان سوعىسىنا قاتىسۋشى كەمەل توقايەۆ تۇر. سۋرەتتەر 1984 -جىلى ماڭعىستاۋدا تۇسىرىلگەن.
- مايدانگەر- جازۋشى كەمەل توقايەۆ ماڭعىستاۋدا، 1984-جىل، - دەپ جازدى رۋسلان جەلدىباي الەۋمەتتىك جەلىدەگى پاراقشاسىندا.
كەمەل توقايەۆ كوركەم ءسوزدىڭ شەبەرى، دراماتۋرگ، قازاق پروزاسىنداعى دەتەكتيۆ جانرىنىڭ نەگىزىن قالاۋشى، ۇلى وتان سوعىسىنىڭ قاتىسۋشىسى. ونىڭ العاشقى «جۇلدىزدى جورىق» جيناعى 1954-جىلى جارىق كوردى.
جازۋشىنىڭ «سولدات الىسقا كەتتى»، «ارناۋلى تاپسىرما»، «سوڭعى سوققى»، «تۇندە اتىلعان وق»، «سارباعاندا بولعان وقيعا» سياقتى روماندارى مەن پوۆەستەرى جانە وزگە دە شىعارمالارى تەك قازاقستاندا عانا ەمەس، ەلىمىزدەن تىس جەرلەردە دە تانىمال.
ۇلى وتان سوعىسىنىڭ I جانە Ⅱ دارەجەلى وردەندەرىمەن، ەكى مارتە «ەرلىگى ءۇشىن» مەدالىمەن ماراپاتتالعان.
سوعىستان سوڭ جازۋشى رەسپۋبليكالىق گازەتتەردە جاۋاپتى قىزمەتتەردى اتقاردى. 1980-1984 -جىلدارى قازاقستان جازۋشىلار وداعىنىڭ ادەبي كەڭەسشىسى بولدى.
