ق ر پرەزيدەنتى ازەربايجان مەن ارمەنيا اراسىنداعى كەلىسسوزدەر پروتسەسىنە قاتىستى مالىمدەمە جاسادى
استانا. KAZINFORM - اقوردانىڭ باسپا ءسوز قىزمەتى پرەزيدەنت قاسىم-جومارت توقايەۆتىڭ ازەربايجان مەن ارمەنيا اراسىنداعى الماتىدا وتەتىن كەلىسسوزدەر پروتسەسىنە قاتىستى مالىمدەمەسىن جاريالادى.
«قازاقستان تاراپىنىڭ ۇسىنىسى بويىنشا ازەربايجان رەسپۋبليكاسى مەن ارمەنيا رەسپۋبليكاسى اراسىنداعى بەيبىت كەلىسىمگە دايىندىق جۇرگىزۋ ماقساتىندا ەكى ەلدىڭ سىرتقى ىستەر مينيسترلەرىنىڭ كەلىسسوزىن وتكىزۋ تۋرالى ءوزارا كەلىسىمگە كەلگەنىن قۇپتايمىن.
بۇل ماڭىزدى شارانىڭ الماتىدا ۇيىمداستىرىلۋىنىڭ سيمۆولدىق ءمانى بار. ويتكەنى 1991 -جىلى جەلتوقسان ايىندا ت م د ەلدەرىنىڭ تاۋەلسىز دامۋىنا نەگىز قالاعان جانە مەملەكەتارالىق شەكارانى انىقتاۋ قاعيدالارىن بەكىتكەن تاريحي قۇجاتقا - الماتى دەكلاراتسياسىنا قول قويىلعان ەدى.
الداعى كەزدەسۋ ازەربايجان- ارميان ۋاعدالاستىعىنىڭ ناقتى جۇزەگە اسۋىنا جول اشىپ، جۋىق ارادا وڭتۇستىك كاۆكازدا تۇراقتى ءارى ۇزاقمەرزىمدى بەيبىتشىلىكتىڭ ورناۋىنا ىقپال ەتەدى»، - دەلىنگەن قۇجاتتا.
