ق ح ر ءتوراعاسى شي جينپيڭ استاناعا مەملەكەتتىك ساپارمەن كەلدى
استانا. KAZINFORM - پرەزيدەنت قاسىم-جومارت توقايەۆ قازاقستانعا مەملەكەتتىك ساپارمەن كەلگەن ق ح ر ءتوراعاسى شي جينپيڭ دى ەلوردا اۋەجايىندا قارسى الدى.
مارتەبەلى قوناقتى سالتاناتپەن قارسى الۋ ءۇشىن اۋەجايدا قۇرمەت قاراۋىلى روتاسى ساپ تۇزەپ تۇردى. سونداي-اق قازاقستان مەن قىتاي حالىقتارىنىڭ شىنايى دوستىعىنىڭ بەلگىسى رەتىندە بالالار ەكى ەلدىڭ جالاۋىن جەلبىرەتىپ، قوشەمەت كورسەتتى.
بالالار ءتوراعا شي جينپيڭ باستاعان ق ح ر دەلەگاتسياسىنا ءىلتيپات ءبىلدىرىپ، قىتاي تىلىندە ءان شىرقادى. ساپار اياسىندا جوعارى دەڭگەيدە ەكىجاقتى كەلىسسوزدەر جۇرگىزىلەدى جانە ءبىرقاتار ماڭىزدى قۇجاتقا قول قويىلادى دەپ جوسپارلانىپ وتىر.
بۇعان دەيىن حابارلانعانىنداي، 2-4-شىلدە كۇندەرى پرەزيدەنت قاسىم-جومارت توقايەۆتىڭ شاقىرۋىمەن قىتاي حالىق رەسپۋبليكاسىنىڭ ءتوراعاسى شي جينپيڭ قازاقستانعا مەملەكەتتىك ساپارمەن كەلەدى. ول سونداي-اق، شاڭحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24-شى وتىرىسىنا قاتىسادى.
ءبىر-بىرىنە باستى ساۋدا-ەكونوميكالىق سەرىكتەسكە اينالعان قوس مەملەكەتتىڭ باسشىلارىنىڭ كەزدەسۋىندە قانداي ءمان بار؟ Kazinform ءتىلشىسى تالداپ كوردى.
اۆتور
ابىلايحان جۇماشەۆ
