Philip Morris قازاقستان بيۋدجەتىنە 1,2 تريلليون تەڭگە سالىق تولەدى

استانا. KAZINFORM - پرەزيدەنت قاسىم-جومارت توقايەۆ Philip Morris International كومپانياسىنىڭ ت م د جانە ورتالىق ازيا ءوڭىرى بويىنشا پرەزيدەنتى ماركو ماريوتتيمەن كەزدەستى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى Philip Morris International كومپانياسىنىڭ تمد جانە ورتالىق ازيا ءوڭىرى بويىنشا پرەزيدەنتى ماركو ماريوتتيمەن ينۆەستيتسيالىق ىقپالداستىق ماسەلەسىن تالقىلادى.

كومپانيا ورنىقتى دامۋعا جانە يننوۆاتسيالار ەنگىزۋگە ۇلەس قوسىپ كەلەدى، سونداي-اق ءىرى سالىق تولەۋشىلەر ساناتىنا ەنەدى.

1994 -جىلدان باستاپ 2023 -جىلعا دەيىن Philip Morris كومپانياسى قازاقستاننىڭ مەملەكەتتىك بيۋدجەتىنە 1,2 تريلليون تەڭگەدەن اسا سالىق ءتۇسىمىن اۋداردى.

بۇدان بۇرىن مەملەكەت باسشىسى شەتەلدىك ينۆەستورلار كەڭەسىنىڭ 37- پلەنارلىق وتىرىسىن وتكىزگەنىن جازعان ەدىك.