نيگەريادا قايىق اۋدارىلىپ، 27 ادام قازا تاپتى
استانا. KAZINFORM - نيگەريادا نيگەر وزەنىندە قايىق اۋدارىلىپ، 27 ادام قازا تاپتى، دەپ حابارلايدى azerbaycan24.
200 گە جۋىق جولاۋشى مىنگەن قايىق 28 - قاراشادا قوزعالىپ بارا جاتىپ اۋدارىلعان.
نيگەر شتاتىنىڭ مەملەكەتتىك توتەنشە جاعدايلار جونىندەگى اگەنتتىگىنىڭ وكىلى يبراگيم اۋدۋدىڭ ايتۋىنشا، جولاۋشىلاردىڭ جارتىسىنان كوبى ءىز- ءتۇزسىز جوعالعان.
29-قاراشا كۇنى كەشكە قۇتقارۋشىلار وزەننەن قازا تاپقان 27 ادامنىڭ دەنەسىن الىپ شىقتى.
وقيعانىڭ سەبەپتەرى ءالى بەلگىسىز، ءبىراق قايىق وزەندەگى تۋربۋلەنتتىلىك نەمەسە ونىڭ جاسىنا بايلانىستى تەحنيكالىق اقاۋلار سالدارىنان اۋدارىلۋى مۇمكىن دەگەن بولجام بار. شتات بيلىگى ادامدار ولىمىنە قايىقتاعى بارلىق جولاۋشىلاردىڭ قۇتقارۋ كەۋدەشەلەرىنىڭ جوقتىعى سەبەپ بولدى دەپ سانايدى.
نيگەريانىڭ توتەنشە جاعدايلار جونىندەگى ۇلتتىق اگەنتتىگىنىڭ وپەراتسيالىق جەتەكشىسى دجاستين ۋۆازۋرۋنەنىڭ اتاپ وتۋىنشە، قۇتقارۋشىلار اپات ورنىن بىرنەشە ساعات بويى انىقتاي الماعان.
