نيۋ-يورك سوتى حراپۋنوۆتار مەن ابىليازوۆتەن قايتارىلاتىن اقشانىڭ سوماسىن وزگەرتۋى مۇمكىن

суд, судья, сот
Фото: freepik.com

استانا. KAZINFORM - ادىلەت مينيسترلىگىنىڭ رەسمي وكىلى تالعات ءۋالي ۆەدومستۆونىڭ كەزەكتى باسپا ءسوز ءماسليحاتىندا ۇلتتىق ونىمدەردى پاتەنتتەۋدىڭ ءتارتىبىن ءتۇسىندىردى.

«26-ماۋسىمدا نيۋ-يوركتىڭ وڭتۇستىك وكرۋگىندەگى اۋداندىق سوتىنىڭ 3 اپتالىق تىڭداۋىنان كەيىن القابيلەر ءىلياس جانە ۆيكتور حراپۋنوۆتارعا، سونداي-اق مۇحتار ءابىليازوۆ پەن فەليكس ساتەر سياقتى سىبايلاستارىنا قارسى اكىمدىكتەن ۇرلانعان اقشانى جىلىستاتۋ دەرەگىنە قاتىستى 32 ميلليون ا ق ش دوللارىنان استام سوما بويىنشا ءبىراۋىزدان ۇكىم شىعاردى. بۇل سوما ءبىر اپتا ىشىندە سوت تاراپىنان تۇزەتىلۋى مۇمكىن»، - دەدى تالعات ءۋالي.

سونداي-اق ول بۇل ىسكە ادىلەت مينيسترلىگى باستاماشى بولعانىن ايتتى.

«وزدەرىڭىز بىلەتىندەي، وسى ازاماتتىق ءىستى ادىلەت مينيسترلىگى الماتى قالاسى اكىمدىگىنىڭ جانە «ب ت ا بانكتىڭ» مۇددەلەرىن قورعاۋ ءۇشىن 2019 -جىلى قوزعاعان. وعان نەگىز بولعان - نەگىزسىز بايۋ، اقشالاي قاراجاتتى زاڭسىز يەمدەنۋ جانە قىلمىستىق شىعۋ تەگى بار اقشانى پايدالانۋ فاكتىلەرى»، - دەدى مينيسترلىكتىڭ رەسمي وكىلى.

سوڭعى جاڭالىقتار