نيۋ-يورك مەرىنە ايىپ تاعىلدى

استانا. KAZINFORM - ءبىر ايعا سوزىلعان فەدەرالدى تەرگەۋدەن كەيىن نيۋ-يورك مەرى ەريك ادامسقا قاتىستى قىلمىستىق ءىس قوزعالدى، دەپ جازادى CNN.

مانحەتتەندەگى ا ق ش پروكۋراتۋراسى ونىڭ تۇرىك شەنەۋنىكتەرى مەن كاسىپكەرلەرىمەن بايلانىسىن، سونداي-اق سايلاۋ ناۋقانىندا العان جارناسىن مۇقيات تەكسەردى.

ساياساتكەرگە تاعىلعان ايىپتار ازىرگە ايتىلماي وتىر.

بۇرىن ەريك ادامس كەز كەلگەن زاڭبۇزۋشىلىقتى جوققا شىعارىپ، ناۋقانىنا قاتىسقان ادامدار مەن اكىمشىلىگىنىڭ مۇشەلەرىن زاڭدى ساقتاۋعا شاقىرعانىن ءجيى ايتاتىن.

- مەن ءارقاشان نيۋ-يورك حالقى ءۇشىن ءوز ۇستانىمىمدى جاقتايتىن بولسام، نىساناعا اينالاتىنىمدى بىلەتىنمىن جانە نىساناعا اينالدىم دا. ماعان كىنا تاعاتىن بولسا، ءوزىمدى اقتاپ الۋ ءۇشىن بار كۇشىمدى سالامىن، ويتكەنى مەنىڭ ەش كىنام جوق، - دەدى ەريك ادامس.

ءوزى تۋرالى ايىپتاۋ قورىتىندىسى جاريا بولعان كەزدە ادامس مەردىڭ رەسمي رەزيدەنتسياسى گرەيسي سارايىندا بولاتىن.

بۇل ايىپتاۋ امەريكانىڭ ەڭ ءىرى قالاسى مەرىنىڭ بەدەلىنە تەرىس اسەر ەتتى، ويتكەنى ونىڭ لاۋازىمى ەلدەگى ەڭ ىقپالدىلاردىڭ ءبىرى سانالادى.

فەدەرالدى ايىپ ونىڭ قىزمەتىندە قالاتىن-قالمايتىنىن شەشەدى جانە الداعى ساياسي مانسابىنا قاۋىپ توندىرەدى.

بۇرىنعى پوليتسيا كاپيتانى ەريك ادامس بۇل قىزمەتكە 2022-جىلى قاڭتاردا تاعايىندالعان.