نوسەر جاڭبىر، بۇرشاق جاۋادى: 29-شىلدەگە ارنالعان اۋا رايى بولجامى

استانا. KAZINFORM - قازگيدرومەت سينوپتيكتەرى 29-شىلدەدە ەلىمىزدىڭ ءبىرقاتار وڭىرىندە اۋا رايىنا بايلانىستى ەسكەرتۋ جاسادى.

سينوپتيكتەردىڭ بولجامى بويىنشا، ەلىمىزدىڭ باسىم بولىگىندە كۇن كۇركىرەپ، نوسەر جاڭبىر، بۇرشاق جاۋادى، جەل تۇرادى، ءورت قاۋپى جوعارى بولادى.

استانادا نوسەر جاڭبىر جاۋىپ، نايزاعاي وينايدى، بۇرشاق جاۋىپ، داۋىل سوعادى. تۇندە جانە تاڭەرتەڭ تۇمان تۇسەدى. وڭتۇستىك- شىعىستان 15-20 م/س جىلدامدىقپەن جەل سوعادى.

اقمولا وبلىسىندا جاڭبىر جاۋىپ، نايزاعاي وينايدى، بۇرشاق جاۋادى، داۋىل سوعادى. باتىستا، سولتۇستىكتە جانە وڭتۇستىكتە تۇندە جانە تاڭەرتەڭ تۇمان تۇسەدى. وڭتۇستىك- شىعىستان ەكپىنى 15-20 م/س جەل سوعادى، كەيدە 23-28 م/س. كوكشەتاۋدا كۇن كۇركىرەپ، بۇرشاق جاۋۋى مۇمكىن، داۋىل سوعادى، تۇندە جانە تاڭەرتەڭ تۇمان تۇسەدى.

سولتۇستىك قازاقستان وبلىسىندا كۇندىز جاڭبىر، وڭتۇستىكتە بۇرشاق جاۋۋى مۇمكىن. سولتۇستىكتە نايزاعاي وينايدى. باتىستا جانە سولتۇستىكتە تۇندە جانە تاڭەرتەڭ تۇمان تۇسەدى. كۇندىز سولتۇستىك، شىعىس جانە وڭتۇستىكتە ەكپىنى 15-20 م/س جەل سوعادى. پەتروپاۆلدا كۇندىز نايزاعاي وينايدى، تۇندە جانە تاڭەرتەڭ تۇمان تۇسەدى.

قوستاناي وبلىسىندا كۇندىز سولتۇستىك پەن شىعىستا جاڭبىر جاۋادى، بۇرشاق جاۋۋى مۇمكىن. سولتۇستىكتە، شىعىستا جانە وڭتۇستىكتە تۇندە نايزاعاي وينايدى. باتىستا جانە سولتۇستىكتە تۇندە جانە تاڭەرتەڭ تۇمان تۇسەدى. سولتۇستىك- شىعىستان 15-20 م/س جىلدامدىقپەن جەل سوعادى. قوستانايدا كۇندىز نايزاعاي وينايدى.

پاۆلودار وبلىسىندا باتىستا، سولتۇستىكتە جانە وڭتۇستىكتە جاڭبىر جاۋىپ، كۇن كۇركىرەيدى. كۇندىز بۇرشاق جاۋۋى مۇمكىن، داۋىل سوعادى. باتىستا، سولتۇستىكتە جانە وڭتۇستىكتە وڭتۇستىك- شىعىستان 15-20 م/س جىلدامدىقپەن جەل سوعادى. باتىس پەن شىعىستا جوعارى ءورت قاۋپى ساقتالادى. پاۆلوداردا نايزاعاي وينايدى، كۇندىز بۇرشاق جاۋۋى مۇمكىن، وڭتۇستىك- شىعىستان جەل سوعادى، ەكپىنى 15-20 م/س.

قاراعاندى وبلىسىندا باتىستا، سولتۇستىكتە جانە شىعىستا كەي جەرلەردە نوسەر جاڭبىر جاۋادى. باتىستا، سولتۇستىكتە جانە شىعىستا تۇندە نايزاعاي ويناپ، بۇرشاق جاۋۋى مۇمكىن. وڭتۇستىك- باتىستان ەكپىنى 15-20 م/س جەل سوعادى. سولتۇستىكتە جوعارى، باتىستا، وڭتۇستىكتە جانە شىعىستا وتە جوعارى ءورت قاۋپى ساقتالادى. قاراعاندىدا نايزاعاي وينايدى، وڭتۇستىك- باتىستان جەل سوعادى، ەكپىنى 15-18 م/س.

ۇلىتاۋ وبلىسىندا كۇندىز سولتۇستىك جارتىسىندا جاڭبىر، بۇرشاق جاۋادى، نايزاعاي وينايدى. وڭتۇستىك- باتىستان ەكپىنى 15-20 م/س جەل سوعادى. وڭتۇستىكتە جانە شىعىستا توتەنشە ءورت قاۋپى ساقتالادى. جەزقازعاندا كۇندىز نايزاعاي وينايدى، وڭتۇستىك- باتىستان 15-20 م/س جىلدامدىقپەن جەل سوعادى.

شىعىس قازاقستان وبلىسىندا تۇندە باتىستا، سولتۇستىكتە جانە شىعىستا نايزاعاي وينايدى. كۇندىز سولتۇستىكتە، شىعىستا جانە وڭتۇستىكتە كۇن كۇركىرەپ، بۇرشاق جاۋادى، داۋىل سوعادى. سولتۇستىك- باتىستان 15-20 م/س جەل سوعادى، كۇندىز باتىستا، سولتۇستىكتە جانە وڭتۇستىكتە 15-20، ەكپىنى 23-28 م/س. وڭتۇستىكتە كۇندىز 36 گرادۋسقا دەيىن قاتتى ىستىق ساقتالادى. شىعىستا ءالى دە جوعارى ءورت قاۋپى ساقتالادى. وسكەمەندە كۇندىز نايزاعاي ويناپ، بۇرشاق جاۋۋى مۇمكىن، سولتۇستىك- باتىستان 15-20 م/س جىلدامدىقپەن جەل سوعادى.

اباي وبلىسىندا تۇندە شىعىستا جانە وڭتۇستىكتە نايزاعاي وينايدى. كۇندىز باتىستا، سولتۇستىكتە جانە ورتالىقتا نايزاعاي ويناپ، بۇرشاق جاۋادى، داۋىل سوعادى. سولتۇستىك- باتىستان 15-20 م/س جەل سوعادى، ەكپىنى 23-28 م/س جەتەدى. وڭتۇستىكتە كۇندىز 36 گرادۋسقا دەيىن قاتتى ىستىق ساقتالادى. جوعارى ءورت قاۋپى ساقتالادى. سەمەيدە كۇندىز نايزاعاي ويناپ، بۇرشاق جاۋۋى مۇمكىن، سولتۇستىك- باتىستان 15-20 م/س جەل سوعادى.

اقتوبە وبلىسىندا ورتالىقتا جاڭبىر جاۋىپ، نايزاعاي وينايدى. كۇندىز بۇرشاق جاۋىپ، داۋىل سوعادى. سولتۇستىك- باتىستان ەكپىنى 15-20 م/س جەل سوعادى. وڭتۇستىك پەن شىعىستا اسا جوعارى ءورت قاۋپى ساقتالادى. اقتوبەدە تۇندە نايزاعاي وينايدى.

اتىراۋ وبلىسىندا سولتۇستىك- باتىستان جەل سوعادى، كۇندىز ەكپىنى 15-20 م/س جەتەدى. وڭتۇستىكتە، سولتۇستىكتە جانە شىعىستا توتەنشە ءورت قاۋپى ساقتالادى. اتىراۋدا وتە جوعارى ءورت قاۋپى ساقتالادى.

باتىس قازاقستان وبلىسىندا كۇندىز سولتۇستىكتە جانە شىعىستا نايزاعاي ويناپ، بۇرشاق جاۋۋى مۇمكىن. سولتۇستىك- باتىستان 15-20 م/س جىلدامدىقپەن جەل سوعادى. ورالدا كۇندىز نايزاعاي ويناپ، بۇرشاق جاۋادى.

ماڭعىستاۋ وبلىسىندا تۇندە سولتۇستىك- شىعىستا جانە ورتالىقتا نايزاعاي وينايدى كۇندىز سولتۇستىك- شىعىستا جەلدىڭ ەكپىنى 15-20 م/س. وڭتۇستىكتە، سولتۇستىكتە، باتىستا جانە ورتالىقتا وتە جوعارى ءورت قاۋپى ساقتالادى. اقتاۋدا وتە جوعارى ءورت قاۋپى ساقتالادى.

الماتى وبلىسىندا وڭتۇستىكتە جانە تاۋلى ايماقتاردا كەي جەرلەردە نايزاعاي وينايدى. وڭتۇستىك- باتىستان ەكپىنى 18-23 م/س جەل سوعادى. توتەنشە ءورت قاۋپى ساقتالادى. الماتىدا كۇندىز نايزاعاي وينايدى، وڭتۇستىك- باتىستان سوققان جەلدىڭ ەكپىنى 18 م/س، توتەنشە ءورت قاۋپى ساقتالادى. قونايەۆ قالاسىندا تۇندە نايزاعاي وينايدى، وڭتۇستىك- باتىستان 18-23 م/س جىلدامدىقپەن جەل سوعادى، توتەنشە ءورت قاۋپى ساقتالادى.

جەتىسۋ وبلىسىندا شىعىستا، ورتالىقتا جانە تاۋلى ايماقتاردا نايزاعاي وينايدى. شىعىستا، تاۋلى ايماقتاردا باتىستان 15-20 م/س جەل سوعادى، الاكولدە ەكپىنى 23-28 م/س جەتەدى. كۇندىز 35 گرادۋسقا دەيىن ىستىق بولادى. توتەنشە ءورت قاۋپى ساقتالادى. تالدىقورعاندا تۇندە نايزاعاي وينايدى، وتە جوعارى ءورت قاۋپى ساقتالادى.

جامبىل وبلىسىندا سولتۇستىكتە، وڭتۇستىكتە جانە تاۋلى ايماقتاردا نايزاعاي وينايدى. تاڭەرتەڭ جانە كۇندىز وڭتۇستىك- باتىستان ەكپىنى 15-20 م/س جەل سوعادى. شىعىستا توتەنشە، جوعارى ءورت قاۋپى بار. تارازدا اسا جوعارى ءورت قاۋپى ساقتالادى.

تۇركىستان وبلىسىندا تۇندە تاۋلى ايماقتاردا نايزاعاي وينايدى، كۇندىز سولتۇستىكتە شاڭدى داۋىل سوعادى. سولتۇستىك- باتىستان 15-20 م/س جەل سوعادى. وتە جوعارى ءورت قاۋپى ساقتالادى. شىمكەنت جانە تۇركىستان قالالارىندا وتە جوعارى ءورت قاۋپى ساقتالادى.

قىزىلوردا وبلىسىندا سولتۇستىكتە نايزاعاي وينايدى. تۇندە ورتالىقتا، كۇندىز ورتالىقتا، سولتۇستىك پەن وڭتۇستىكتە شاڭدى داۋىل سوعادى، كۇندىز سولتۇستىكتە داۋىل سوعادى. باتىستان، وڭتۇستىك- باتىستان ەكپىنى 15-20 م/س جەل سوعادى. وتە جوعارى ءورت قاۋپى ساقتالادى. قىزىلوردادا كۇندىز شاڭدى داۋىل سوعادى، باتىستان سوعاتىن جەلدىڭ ەكپىنى 15-20 م/س.

ايتا كەتەيىك، ايدىڭ سوڭعى كۇندەرىندە ەل اۋماعىنداعى اۋا رايى جاعدايىنا كەڭ اۋقىمدى سيكلون جانە ونىمەن بايلانىستى اتموسفەرالىق فرونتتار اسەر ەتەدى.

اۋا رايى قۇبىلمالى بولادى.